లోకల్ కాంగ్రెస్ నాయకులు కొన్ని నివేదికలు అనుకూలంగా మరి కొన్ని వ్యతిరేకంగా ఇస్తున్న తరుణంలో డైరెక్టుగా రాహుల్ గాంధీ టీం ను పంపి పరిస్థితులను అంచనా వేస్తున్నారు. ఉత్తర భారత దేశంలో ఎమర్జెన్సీ టైం, మిగతా కీలక సమయాల్లో కూడా కాంగ్రెస్ కు పెద్దగా సీట్లు రాకున్న అప్పటి పరిస్థితుల్లో ఎక్కువ ఎంపీ స్థానాలతో కాంగ్రెస్ కు అధికారాన్ని కట్టబెట్టింది దక్షిణాది ప్రాంతం.
అయితే తెలంగాణ రాజకీయాల్లో ప్రస్తుతం పార్టీ లు మారే వారి సంఖ్య పెరిగే అవకాశం ఉంది. ఖమ్మం జిల్లా నుంచి పొంగులేటి శ్రీనివాస్ రెడ్డి, మహబూబ్ నగర్ నుంచి జూపల్లి కృష్ణారావు లు బీఆర్ఎస్ నుంచి సస్పెండ్ అయ్యారు. వీరు ఈ మధ్య సొంతంగా పార్టీ పెడతారని, లేదా ఏదైనా జాతీయ పార్టీలో చేరతారని వార్తలు బయటకు వచ్చాయి. బీజేపీలో చేరతారని వార్తలు కూడా వచ్చాయి. ఇప్పటికీ దీనిపై ఒక స్పష్టత లేదు.
ఇలాంటి సమయంలో ఏ విధంగానైనా కాంగ్రెస్ పార్టీలో చేర్చుకోవాలని రాహుల్ గాంధీ భావిస్తున్నట్లు సమాచారం. అందుకే పొంగులేటితో ఆరు గంటల పాటు రాహుల్ గాంధీ టీం చర్చలు జరిపినట్లు తెలుస్తోంది. ఒక వేళ రాహుల్ టీంతో చర్చలు సఫలమైతే పొంగులేటి కాంగ్రెస్ లో చేరడం ఖాయం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి