తాను తెచ్చిన కాయలకు ఉదయం ఒక దళారి ధర నిర్ణయించారు. కేజీ 26 రూపాయలు ఇస్తామని చెప్పాడు. పాట పాడేందుకు రెండో వ్యక్తి కూడా లేదు. కనీసం ఎంతో కొంత రేటు పెరుగుతుందని అనుకుంటే అదీ లేదు. మొత్తం చీని కాయలను ఈ మండీల్లో ఇద్దరు మాత్రమే కొనుగోలు చేస్తారు. మిగతా ఎవరూ ముందుకు రారు. బయట పది నుంచి ఇరవై లారీలు రెడీగా ఉన్నాయి.
కేజీ రూ. 26 ఇచ్చి కాయల్ని కొనేసుకున్నాడు. రెండు రోజుల్లో డబ్బులు అకౌంట్ లో పడతాయన్నారు. వేలం అంటే పోటీ ఉండాలి. కానీ ఎలాంటి పోటీ కనిపించలేదు. కనీసం మార్కెట్ స్థాయి అధికారి గానీ, జిల్లా స్థాయి అధికారి గానీ ఎవరూ పర్యవేక్షించలేదు. మొత్తం కాయలు 5815 కిలోలు, ఇందులో 116 కిలోలు తీసేశారు. దీంతో 5669 కిలోలుగా మారిపోయింది. దీంతో 1,48,174 రూపాయాలు వచ్చింది.
పొడికాయలకు రూ. 1500 వచ్చింది. ఇందులో కమిషన్ రూ.5977, బాడుగ రూ. 8971, దించిన కూలీ 750 రూపాయలు, గేట్ ఛార్జీ 150, కాగా మొత్తం 15,254 అయింది. ఎలాంటి కష్టం లేకుండా దళారి 15 వేలు రైతు నుంచి సంపాదిస్తుంటే కష్టపడ్డ రైతుకు ఏం ఆదాయం వస్తుందని కృష్ణమూర్తి అనే రైతు వాపోయారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి