పోలీసులు ఉపాధ్యాయులు కలెక్టరేట్లకు రాకుండా పలువురిని ముందస్తు అరెస్టులు కూడా చేశారు. పలు చోట్ల ఉపాధ్యాయులను కూడా అరెస్టు చేశారు. ఈ అరెస్టులను వ్యతిరేకిస్తూ పోలీసుస్టేషన్ల వద్ద నిరసనలు కూడా జరిగాయి. ఈ వ్యవహారం చూస్తే ఇదేదో జగన్‌కు నెగిటవ్‌గా మారుతుందన్న పరిస్థితి కనిపిస్తోంది. కానీ... జాగ్రత్తగా గమనిస్తే.. ఈ వ్యవహారం జగన్‌కు కాస్త కలిసొచ్చేలానే కనిపిస్తోంది. ఎందుకంటే.. మొదట చర్చలకు ఆహ్వానించిన సీఎం.. అనేక ఉద్యోగ సంఘాల నేతలతో నేరుగా మాట్లాడారు.
జగన్ ఉద్యోగ సంఘాల నాయకులతో మాట్లాడి ఒప్పించాకే పీఆర్సీ ప్రకటించారు. అయితే.. సీఎంతో చర్చించిన సమయంలోనే ఉద్యోగ సంఘాల నాయకులు తమ డిమాండ్లు ఇవీ అని గట్టిగా పట్టు పట్టలేకపోయారు. దీనికి తోడు... సీఎం చూపించిన రెండేళ్ల పదవీ విరమణ, ఇళ్లు స్కీమ్‌ చూసేసరికి మురిసిపోయి.. ఓకే చెప్పేసి బయటకు వచ్చారు. ఇప్పుడు కింద స్థాయి ఉద్యోగలంతా మళ్లీ నిలదీసేసరికి ఇప్పుడు సీన్ మార్చేస్తున్నారు.
కానీ.. ఈ వ్యవహారం చూసిన సాధారణ ప్రజలు.. ఉద్యోగులు గొంతెమ్మె కోర్కెలు కోరుతున్నారని భావించే ప్రమాదం ఉంది. అంతగా నచ్చకపోతే.. ముందు ఎందుకు ఒప్పుకున్నారన్న ప్రశ్న కూడా తలెత్తుతుంది. కరోనా కాలంలో జనమంతా ఇబ్బందులు పడితే.. ఉద్యోగస్తులకు మాత్రం కచ్చితంగా పెంచాల్సిందేనా అన్న చర్చ కూడా వస్తుంది. మొత్తానికి ఈ విషయంలో ఎటు చూసినా జగన్‌కు ప్లస్సే కనిపిస్తోంది.
