దేశవ్యాప్తంగా కరోనా వైరస్ విజృంభణ కొనసాగుతూనే ఉంది. ఈ మహమ్మారి కారణంగా చాల మంది జీవనోపాధి కోల్పోయి రోడ్డున పడ్డారు. వారికీ చేయిత అందించడానికి ఫ్లిప్‌కార్ట్ సంస్థ నిరుద్యోగులకు గుడ్ న్యూస్ చెప్పింది. అందుకే భారీగా ఉద్యోగాలను ఫ్లిప్‌కార్ట్ భర్తీ చేస్తోంది. ఫ్లిప్‌కార్ట్ సప్లై చెయిన్‌లో ఎగ్జిక్యూటీవ్స్, పిక్కర్స్, ప్యాకర్స్, సార్టర్స్ లాంటి 70,000 పోస్టుల్ని భర్తీ చేయనుంది. 100 శాతం పిన్ కోడ్స్‌కు డెలివరీ చేసేందుకు కసరత్తు చేస్తోంది ఫ్లిప్‌కార్ట్. ఉద్యోగులను నియమించుకున్న తర్వాత వారికి అన్ని అంశాల్లో శిక్షణ ఇవ్వనుంది. కస్టమర్ సర్వీస్, డెలివరీ, ఇన్‌స్టాలేషన్, సేఫ్టీ, శానిటైజేషన్‌తో పాటు పీఓఎస్ మెషీన్లు, స్కానర్లు, మొబైల్ అప్లికేషన్లను ఆపరేట్ చేయడం లాంటి అంశాల్లో ట్రైనింగ్ ఇవ్వనుందని సమాచారం.

ఇక ఉద్యోగులకు మాత్రమే కాదు.. సెల్లర్ పార్ట్‌నర్స్, ఎంఎస్ఎంఈలు, కళాకారులకు కూడా ప్యాకేజింగ్, వేర్‌హౌజ్ మేనేజ్‌మెంట్‌పై శిక్షణ ఇవ్వనుందని ఫ్లిప్‌కార్ట్ సంస్థ తెలిపింది. ఇందుకోసం కేంద్ర ప్రభుత్వానికి చెందిన నేషనల్ స్కిల్ డెవలప్‌మెంట్ మిషన్ సహకారం తీసుకుంటోంది. ఫ్లిప్‌కార్ట్ బిగ్ బిలియన్ డేస్ సేల్‌కు కొన్ని నెలల ముందు నుంచే ప్రిపేర్ అవుతోంది ఇ-కామర్స్ కంపెనీ. కెపాసిటీ, స్టోరేజ్, సార్టింగ్, ప్యాకేజింగ్, హ్యూమన్ రీసోర్సెస్, ట్రైనింగ్, డెలివరీపై దృష్టి పెట్టింది ఫ్లిప్‌కార్ట్. అందులో భాగంగానే 70,000 పోస్టుల్ని భర్తీ చేయనుంది.

అంతేకాదు వీటిలో చాలావరకు పోస్టులకు ఇంటర్, డిగ్రీ అర్హత ఉంటే చాలు. వీటితో పాటు ఫ్లిప్‌కార్ట్ సెల్లర్ పార్ట్‌నర్ లొకేషన్స్, కిరాణా షాపుల్లో పరోక్షంగా ఉద్యోగాలు కల్పించనుందని తెలిపారు. 50,000 కిరాణా షాపుల్ని తమ ప్లాట్‌ఫామ్ పైకి తీసుకొచ్చిందన్నారు. ఫ్లిప్‌కార్ట్ బిగ్ బిలియన్ డేస్ సేల్‌లో వీరి పాత్ర కూడా కీలకం కానుందన్నారు. ఇక ఇప్పటికే లాజిస్టిక్స్ సొల్యూషన్స్ ప్రొవైడర్ ఇకామ్ ఎక్స్‌ప్రెస్ 30,000 ఉద్యోగాలను ప్రకటించిందని నిపుణులు తెలిపారు. అక్టోబర్, నవంబర్ నెలల్లో ఫెస్టివల్ సేల్ సందర్భంగా వచ్చే ఆర్డర్స్‌ని డెలివరీ చేసేందుకు 30,000 పోస్టుల్ని భర్తీ చేయనుందని తెలిపారు.