జనవరి 12వ తేదీన సంక్రాంతి పండుగ కానుకగా విడుదల కాబోతున్న ఈ సినిమాకు సంబంధించి ట్రైలర్ ను విడుదల చేస్తాము అని ఇప్పటికే అధికారికంగా ప్రకటించిన విషయం తెలిసిందే. దీంతో జనవరి ఒకటవ తేదీన సినిమా ట్రైలర్ ను విడుదల చేస్తామని మొన్న వెల్లడించారు.. కానీ ఇప్పుడు ట్రైలర్ విడుదల ఆలస్యమైంది. కానీ తాజాగా అందుతున్న సమాచారం ప్రకారం.. ఈ సినిమా ట్రైలర్ రేపు అనగా జనవరి 4వ తేదీన విడుదల చేసే అవకాశం ఉందని తెలుస్తోంది. అంతేకాదు ఈరోజు ఈ ట్రైలర్ కు సంబంధించి అధికారిక ప్రకటన కూడా వచ్చే అవకాశం ఉందని తెలుస్తోంది.
ప్రస్తుతం ఈ సినిమా విషయంలో ఇండస్ట్రీలో దిల్ రాజు మేనియా జరుగుతోందని వార్తలు వినిపిస్తున్నాయి. ఎందుకంటే రెండు తెలుగు సినిమాలను కాదని వారసుడు సినిమా కోసం భారీగా స్క్రీన్లు ఏర్పాటు చేస్తుండడంతో ప్రతి ఒక్కరు ఆశ్చర్యపోతున్నారు. మరి ఈ విషయంపై ఆయన ఏ మాత్రం రాజీ పడకుండా సినిమాకు ఎక్కువ థియేటర్లు కల్పించే విధంగా ప్రయత్నాలు చేస్తున్నారు. ఇంత భారీ బడ్జెట్లో విడుదలవుతున్న ఈ సినిమా ఎలాంటి విజయాన్ని అందుకుంటుందో చూడాలి.