త్రివిక్రం సినిమా పూర్తి చేసి ఆ వెంటనే రాజమౌళి సినిమాకు రెడీ కానున్నాడు మహేష్. ఈ ఏడాది మిడిల్ లో రాజమౌళి మహేష్ సినిమా సెట్స్ మీదకు వెళ్తుందని టాక్. 2025 సమ్మర్ కానీ ఎండింగ్ లో కానీ రిలీజ్ ప్లాన్ చేస్తున్నారట. రాజమౌళి సినిమా అంటే హీరోలు బాగా కష్టపడాల్సి ఉంటుంది. అందుకు తగినట్టుగా తనకు తాను సిద్ధం చేసుకుంటున్నాడు మహేష్. త్రివిక్రం సినిమా పూర్తయ్యే లోగా తన కొత్త లుక్ తో సర్ ప్రైజ్ చేస్తాడని తెలుస్తుంది. ఇప్పటికే మహేష్ తన ఛార్మింగ్ లుక్స్ తో హాలీవుడ్ స్టార్స్ కి పోటీ ఇస్తుంటే. ఇక రాజమౌళి సినిమాతో హాలీవుడ్ రేంజ్ క్రేజ్ తెచ్చుకుంటాడని చెప్పొచ్చు.
త్రివిక్రం సినిమాలో మహేష్ ఫ్యామిలీ మెన్ గా కనిపించనున్నారు. అయినా సరే తన కొత్త లుక్ ట్రై చేస్తున్నట్టు తెలుస్తుంది. త్రివిక్రం తో హ్యాట్రిక్ సినిమా చేస్తున్న మహేష్ ఈ సినిమాతో ఆ కాంబో స్టామినా ప్రూవ్ చేయబోతున్నారని తెలుస్తుంది. సినిమా బడ్జెట్ 150 కోట్ల దాకా ఉంటుందని టాక్. మహేష్ బాబు త్రివిక్రం కలిసి బ్లాక్ బస్టర్ కొడితే ఏ రేంజ్ లో ఉంటుందో చూపించడానికి ఈ సినిమా రెడీ అవుతుంది.
