ఈ సినిమాకు ‘విరూపాక్ష’ అనే టైటిల్ అనుకున్నా వీర అనే మరో టైటిల్ కూడా రిజిస్టర్ చేసి పెట్టుకున్నారు మేకర్స్. ఈ సినిమాలో తెలంగాణా రాబిన్ హుడ్ గా పేరున్న పండుగ సాయన్న పాత్రను పవన్ పోషించనున్నట్టు ప్రచారం జరుగుతోంది. ఇక ఈ సినిమా కాక మెగా పవర్ స్టార్ రామ్ చరణ్ కూడా రాజమౌళి దర్శకత్వంలో రౌద్రం రణం రుధిరం అనే సినిమా అదే ఆర్ఆర్ఆర్ సినిమా చేస్తున్నాడు. ఈ సినిమా కూడా పీరియాడిక్ డ్రామానే. ఇందులో రామ్ చరణ్ స్వాతంత్ర సమార యోధుడైన అల్లూరి సీతారామరాజు పాత్రలో నటిస్తున్నాడు.
ఇక చిరంజీవి చివరి సినిమా సైరా కూడా పీరియాడిక్ డ్రామానే. సురేందర్ రెడ్డి దర్శకత్వంలో వచ్చిన ఈ సినిమాలో స్వాతంత్ర సమారయోధుడైన ఉయ్యాలవాడ నరసింహారెడ్డి పాత్రలో నటించాడు చిరు. ఇక ఇప్పటికే అల్లు అర్జున్ కూడా ‘రుద్రమదేవి’ సినిమాలో గోనా గన్నారెడ్డి పాత్రలో నటించి మెప్పించాడు. వరుణ్ తేజ్ కూడా ఇప్పటికే కంచే అనే సినిమాలో నటించారు. అది కూడా పీరియాడిక్ సినిమానే. అలా ఫ్యామిలీ హీరోలందరు ఒక్కొక్కరుగా పీరియాడిక్ పాత్రలు చేసి అలరిస్తున్నారు.