ఎందుకంటే వారి బ్రాండ్లకు వాళ్లే బ్రాండ్ అంబాసిడర్ గా కొనసాగుతారు. సినీ నటుల వ్యాపారాలపై ప్రేక్షకుల్లో కూడా ఆసక్తి ఉంటుంది కాబట్టి.. ఈ రంగంలో వారు విజయం సాధించడం సులువుగానే ఉంటుంది. బాలీవుడ్ సూపర్ స్టార్ సల్మాన్ ఖాన్ ' బీయింగ్ హ్యూమన్' పేరుతో పలు ఉత్పత్తులను విక్రయిస్తున్న సంగతి తెలిసిందే.తెలుగులో రానా మహేష్ బాబు రకుల్ ప్రీత్ సింగ్ తరుణ్ మంచు విష్ణు మనోజ్ రామ్ చరణ్ సమంత నాగ చైతన్య పలు ప్రాజెక్టుల్లో పెట్టుబడులు పెట్టారు.ఇక హీరో విజయ్ దేవరకొండ రౌడీ బ్రాండ్ పేరుతో దుస్తుల వ్యాపారం నిర్వహిస్తున్న సంగతి తెలిసిందే. ఆయన తమ్ముడు ఆనంద్ దేవరకొండ కూడా ఫుడ్ బిజినెస్ స్టార్ట్ చేశాడు. తాజాగా బాలీవుడ్ స్టార్ హీరోయిన్ అలియా భట్ చిన్నపిల్లల దుస్తుల వ్యాపారం ప్రారంభించారు.
ఇందులో పెట్టుబడులకు కూడా ఆమె ఆహ్వానం పలుకుతోంది. తాను ప్రారంభించిన వ్యాపారాన్ని మరింత విస్తరించేందుకు ప్లాన్ చేస్తోంది. అలియాభట్ 'ఎడ్ ఏ మమ్మా' పేరుతో చిన్నపిల్లల దుస్తుల వ్యాపారం నిర్వహిస్తోంది. విజయ్ దేవరకొండ లాగా దుస్తుల వ్యాపారంలో క్లిక్ అయ్యేందుకు ఆమె ఫోకస్ పెట్టింది.దానికి సంబంధించి సోషల్ మీడియాలో ఇప్పటికే ఈ అమ్మడు తన ప్రమోషన్ ని కూడా మొదలు పెట్టిందట. ఈ బిజినెస్ కనుక సక్సెస్ అయితే.. మన ఆలియా భట్ రెండు చేతులా గట్టిగా సంపాదించడం ఖాయంగా కనిపిస్తోంది...!!