ఇందులో చిరు రెండు పాత్రలను పోషించారు. కోట్లకు పడగెత్తిన మేనల్లుడు కల్యాణ్ పాత్ర ఒకటి కాగా, ఆటో జానీగా మరో పాత్రలో చిరు తన నట విశ్వ రూపాన్ని చూపించారు. ఇందులో దివ్య భారతి, శోభనలు హీరోయిన్లు గా చేశారు. అయితే ఈ సినిమా వెనుక ఒక చిత్రమైన సంఘటన జరిగిందట. వివరాల్లోకి వెళితే... అంతకు ముందే గ్యాంగ్ లీడర్ వంటి బిగ్గెస్ట్ హిట్ ను అందుకున్న చిరు రౌడీ అల్లుడు సినిమా కథను విన్నారట. అయితే మొదట ఇందులో ఒకటే పాత్ర...చిరు ఈ సినిమాలో ఇంకేదో కావాలి, డబుల్ రోల్ ట్రీట్ ఇస్తే బాగుంటుంది అని ఐడియా ఇవ్వగా... దాంతో ఆ కథలో మరో పాత్రను జొప్పించి మళ్ళీ చిరుకి వినిపించగా అప్పుడు మెగాస్టార్ హ్యాపీ అయ్యి ఒకే అన్నారట.
అయితే చిరుకి తప్ప మిగిలిన వారందరికీ ఈ కథ మార్పులు చేయడంతో ఎంతో కొంత సందేహం గానే ఉండగా...విడుదలయ్యాక రిజల్ట్ చూసి అందరూ షాక్ తిన్నారట. అంతగా సినిమాలో చిరంజీవి ఒలికించిన రెండు పాత్రలు కూడా హైలెట్ గా నిలిచాయి. ఈ సినిమా రికార్డులను బ్రేక్ చేస్తూ వసూళ్ల వర్షం కురిపించింది. అలా చిరు ఆలోచన సినిమాని మరో స్థాయికి తీసుకెళ్లింది అని ఇండస్ట్రీలో అంటుంటారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి