പ്രണവ് മോഹൻലാൽ ജനപ്രിയനാവാത്തതിന്റെ കാരണം എന്ത്? ജീത്തുജോസഫ് ചിത്രങ്ങളായ പാപനാശം, ലൈഫ് ഓഫ് ജോസൂട്ടി തുടങ്ങിയ ചിത്രങ്ങളിൽ അസിസ്റ്റന്റായും പ്രണവ് പ്രവർത്തിച്ചിരുന്നു. ക്യാമറയ്ക്ക് പിന്നിൽ പ്രവർത്തിക്കാനാണ് കൂടുതൽ താൽപര്യമെന്ന് വ്യക്തമാക്കിയ പ്രണവ് ആദിയിലൂടെയാണ് നായകനായി അരങ്ങേറിയത്. ജീത്തുജോസഫ് സംവിധാനം ചെയ്ത ചിത്രത്തിൽ ആദിയെന്ന ടൈറ്റിൽ കഥാപാത്രത്തെയാണ് പ്രണവ് അവതരിപ്പിച്ചത്. അസാമാന്യമായ അഭിനയമല്ലായിരുന്നുവെങ്കിലും പാർക്കൗറിലൂടെയായി പ്രണവ് വിസ്മയിപ്പിച്ചിരുന്നു. അച്ഛനെപ്പോലെ തന്നെ ആക്ഷൻ രംഗങ്ങളിൽ ഡ്യൂപ്പിനെ ഉപയോഗിക്കാൻ പ്രണവും സമ്മതിച്ചിരുന്നില്ല. ബാലതാരമായി തുടക്കം കുറിച്ച താരമാണ് പ്രണവ് മോഹൻലാൽ.
ഒന്നാമനെന്ന സിനിമയിൽ മോഹൻലാലിന്റെ കഥാപാത്രത്തിന്റെ കുട്ടിക്കാലം ചെയ്തത് പ്രണവായിരുന്നു. പുനർജനിയെന്ന ചിത്രത്തിലൂടെ മികച്ച ബാലതാരത്തിനുള്ള സംസ്ഥാന അവാർഡും പ്രണവിന് ലഭിച്ചിരുന്നു. ഈ വേഷത്തിലേക്ക് പ്രണവിനെയല്ലാതെ മറ്റൊരാളേയും തിരഞ്ഞെടുക്കാനില്ലെന്നായിരുന്നു പ്രിയദർശൻ പറഞ്ഞത്. അച്ഛന്റെ രീതികളിൽ നിന്നും തികച്ചും വ്യത്യസ്തനാണ് താനെന്നും ഈ വേഷം താൻ അവതരിപ്പിച്ചാൽ ശരിയാവുമോയെന്ന ആശങ്കയുണ്ടെന്നും പ്രണവ് പ്രിയദർശനോട് പറഞ്ഞെങ്കിലും അതൊന്നും അദ്ദേഹം ഗൗനിച്ചിരുന്നില്ല. കുറച്ചുസമയമേയുണ്ടായിരുന്നുള്ളൂവെങ്കിലും പ്രണവും കല്യാണിയും കൈയ്യടി നേടിയിരുന്നു. വീനീത് ശ്രീനിവാസൻ ചിത്രമായ ഹൃദയത്തിലായിരുന്നു ഒടുവിലായി പ്രണവിനെ കണ്ടത്. അരുൺ നീലകണ്ഠനായി പ്രണവ് ജീവിക്കുകയായിരുന്നു.
എഞ്ചീനിയറിംഗ് കോളേജ് പശ്ചാത്തലത്തിലൊരുക്കിയ ചിത്രത്തിന് മികച്ച സ്വീകാര്യതയായിരുന്നു ലഭിച്ചത്. ആദിക്ക് ശേഷമായി അരുൺ ഗോപി ചിത്രമായ ഇരുപത്തിയൊന്നാം നൂറ്റാണ്ടിലായിരുന്നു പ്രണവ് അഭിനയിച്ചത്. വൻപ്രതീക്ഷകളോടെയെത്തിയ ചിത്രം അമ്പേ പരാജയമായി മാറുകയായിരുന്നു വിചാരിച്ചത്ര നന്നായി സിനിമ ചെയ്യാനായില്ലെന്ന് സംവിധായകനും വ്യക്തമാക്കിയിരുന്നു. പിന്നീട് മരക്കാർ അറബിക്കടലിന്റെ സിംഹത്തിൽ കുഞ്ഞുകുഞ്ഞാലിയായാണ് പ്രണവിനെ കണ്ടത്. കഥയും കഥാപാത്രവും സംഭാഷണവും മനസിലാക്കി തന്റെ ഭാഗം പൂർത്തിയാക്കി ലൊക്കേഷനിലെ ഏതെങ്കിലും സ്ഥലത്ത് പോയിരിക്കുന്ന പതിവാണ് പ്രണവിന്. സിനിമ പൂർത്തിയാകുന്നതോടെ തന്റെ ഉത്തരവാദിത്തം തീർന്നെന്ന് വിശ്വസിക്കുന്നയാളുമാണ് അദ്ദേഹം.
സിനിമാപ്രമോഷനുകളിലോ തിയേറ്ററുകളിലോ ഒന്നും അദ്ദേഹത്തെ കാണാനാവില്ല. അതിനൊന്നും തന്നെക്കിട്ടില്ലെന്ന് പറഞ്ഞ് ഒരൊറ്റ പോക്കാണ് കക്ഷി. സോഷ്യൽമീഡിയയിൽ ആക്റ്റീവല്ലാത്തതിനാൽ എവിടെയാണ് ആളെന്ന് ആരും അറിയുകയുമില്ല. ഫോട്ടോഷൂട്ടോ പബ്ലിസിറ്റിയോ സഹതാരങ്ങളുമായുള്ള സൗഹൃദങ്ങളോ ഒന്നും ആഘോഷമാക്കാത്തയാളാണ് പ്രണവ്. ഇതൊക്കെ കൊണ്ട് തന്നെയാണ് അദ്ദേഹം ജനപ്രിയനാവാത്തതും. സിനിമാപാരമ്പര്യമേറെയുണ്ടായിട്ടും പ്രണവ് മോഹൻലാലിന് അഭിനയമോ സിനിമയോ അത്ര പഥ്യമല്ല. അത്ര ജനപ്രിയനുമല്ല ഈ താരപുത്രൻ. തന്റെ യാത്രകൾക്കിടയിൽ ചെറിയൊരു ഇടവേളയിൽ വന്ന് അഭിനയിച്ചുവെന്ന് മാത്രം.
Find out more:
click and follow Indiaherald WhatsApp channel