అప్పటికే మాస్ ఆడియెన్స్ కోసం స్ట్రాంగ్ హిట్ వెతుకుతున్న బన్నీకి ‘రేసుగుర్రం’ కరెక్ట్ స్క్రిప్ట్‌గా అనిపించింది. యాక్షన్, కామెడీ, బ్రదర్ సెంటిమెంట్ ఇలా మొత్తం ఆల్ ఇన్ వ‌న్‌ ప్యాకేజీగా ఈ సినిమా తెరకెక్కింది. రిలీజ్ అవగానే సెన్సేషన్ క్రియేట్ చేసింది. ప్రేక్షకులు థియేటర్లలో విపరీతంగా ఎంజాయ్ చేశారు. ఈ సినిమాలో అల్లు అర్జున్ ఎనర్జీ, స్టైల్కి పాజిటివ్ టాక్ ఊపిరి పోసింది. ముఖ్యంగా ఆయన చేసిన డ్యాన్స్ మూవ్స్, మాస్ డైలాగ్స్ ఫ్యాన్స్‌ని ఫిదా చేశాయి. మొదటిసారి ఆయన కెరీర్‌లో రూ. 50 కోట్ల క్లబ్లోకి ఎంట్రీ ఇచ్చిన సినిమా కూడా ఇదే. ఆ తర్వాత బన్నీ స్టార్ హీరోల రేసులో బలంగా దూసుకుపోయాడు. ఇక విలన్ మద్దాలి శివారెడ్డి పాత్ర సినిమాలో ప్రత్యేకమైన హైలైట్. దాని కామెడీ యాంగిల్ ప్రేక్షకులను పగలబడి నవ్వించింది. హీరోయిన్ శృతిహాసన్ కి కూడా ఈ సినిమా టర్నింగ్ పాయింట్ అయింది. వరుసగా మంచి అవకాశాలు వచ్చి, ఆమె కెరీర్‌లో పీక్ అందుకుంది.
మ్యూజిక్ విషయానికి వస్తే ఎస్.ఎస్.థమన్ అందించిన పాటలు సూపర్ హిట్టయ్యాయి. “సినిమా చూపిస్తా మామా” పాట యువతకు హుక్కయ్యింది. దేవిశ్రీ కాకుండా థమన్ ఇచ్చిన మ్యూజిక్‌తో బన్నీకి మాస్ కనెక్ట్ బలపడింది. ఒకవేళ మహేశ్ బాబు ఈ సినిమా చేసుంటే ఏమయ్యేదో ఊహించడం కష్టం. కానీ ఆ పాత్రలో అల్లు అర్జున్ కనిపించడం, ఆయన బాడీ లాంగ్వేజ్, ఎనర్జీ – అన్నీ పర్‌ఫెక్ట్‌గా సరిపోయాయి. అందుకే బాక్సాఫీస్ వద్ద కలెక్షన్ల వర్షం కురిసింది. ‘రేసుగుర్రం’ – మహేశ్ బాబు వదిలిన సినిమా, కానీ అల్లు అర్జున్ కెరీర్‌లో మైలురాయి. మాస్ ఆడియెన్స్‌ని గెలుచుకున్న ఈ మూవీ, బన్నీని టాప్ లీగ్ హీరోగా నిలబెట్టింది. కొన్నిసార్లు ఒకరి చేతుల నుంచి జారిపోయే అవకాశం, మరొకరికి గోల్డెన్ ఛాన్స్ అవుతుందనడానికి ఇదే క్లాసిక్ ఉదాహరణ.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి