ఈ వార్త బాహుబలి అభిమానుల్లో, ముఖ్యంగా కట్టప్ప పాత్రను ప్రేమించిన ప్రేక్షకుల్లో పూనకాలు తెప్పిస్తోంది. కట్టప్ప వెనుక దాగి ఉన్న చరిత్ర! :ఈ కొత్త సినిమా కథాంశంపై ఆసక్తికర చర్చ జరుగుతోంది. మాహిష్మతి సామ్రాజ్యంలో కట్టప్ప ఎందుకు నమ్మిన బంటుగా, బానిసగా ఉండాల్సి వచ్చింది? అతని నేపథ్యం ఏంటి? అతని కుటుంబ చరిత్ర ఏమిటి? అనే ప్రశ్నలకు సమాధానం దొరికే విధంగా ఈ సినిమా కథ అల్లబోతున్నారు. మాహిష్మతికి దాస్యంలో కట్టప్ప కుటుంబం ఎలా చిక్కుకుంది, అతని వీరత్వం, విధేయతకు దారితీసిన పరిస్థితులు ఏంటి అనే అంశాల చుట్టూ కథనం సాగనుంది. ఈ భారీ ప్రాజెక్ట్‌కి దర్శకత్వం ఎవరు వహిస్తారు అనే విషయంలో మాత్రం ప్రస్తుతానికి క్లారిటీ లేదు.
రాజమౌళి స్వయంగా డైరెక్ట్ చేస్తారా, లేక వేరే మరొక టాలెంటెడ్ డైరెక్టర్‌కి ఈ బాధ్యతలు అప్పగిస్తారా అనేది తెలియాల్సి ఉంది. అయితే, ఈ ప్రాజెక్ట్‌పై టీమ్ అత్యంత సీరియస్‌గా ఉన్నట్లు తెలుస్తోంది. ఇప్పటికే కట్టప్ప ప్రీ-విజువలైజేషన్ (కథ, పాత్రల రూపకల్పన) వర్క్ మొదలైనట్లు సమాచారం. త్వరలోనే ఈ సంచలన ప్రాజెక్ట్‌కు సంబంధించిన అధికారిక ప్రకటన, పూర్తి వివరాలు బయటకు రానున్నాయి. కట్టప్ప పాత్ర వెనుక దాగి ఉన్న ఎమోషనల్ యాక్షన్ డ్రామా చూడటానికి అభిమానులు ఆత్రుతగా ఎదురుచూస్తున్నారు. ఈ వార్తతో బాహుబలి ఫ్రాంఛైజీపై ఉన్న అంచనాలు మరోసారి ఆకాశాన్ని తాకడం ఖాయం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి