శ్రీలీల ఇటీవల తమిళంలో నటించిన పరాశక్తి సినిమా ద్వారా ఇండస్ట్రీలోకి ఎంట్రీ ఇచ్చింది. ఈ చిత్రాన్ని డైరెక్టర్ సుధా కొంగర దర్శకత్వం వహించగా భారీ బడ్జెట్ తో జనవరి 10వ తేదీన ఈ సినిమా విడుదల అయింది. అయితే ఈ సినిమాలో నటించేందుకు శ్రీలీల రెమ్యూనరేషన్ ఇప్పుడు కోలీవుడ్లో హాట్ టాపిక్ గా మారింది. గతంలో టాలీవుడ్ హీరోలకు జోడిగా నటించిన శ్రీలీల రూ.3 నుంచి రూ.4కోట్ల రూపాయల వరకు వసూలు చేసేది. కానీ ఇప్పుడు పరాశక్తి సినిమాకు కేవలం కోటి రూపాయల వరకు రెమ్యూనరేషన్ తీసుకున్నట్లు గుసగుసలు వినిపిస్తున్నాయి.
తెలుగులో ఎన్నో చిత్రాలకు భారీగానే రెమ్యూనరేషన్ తీసుకున్న శ్రీలీల ఇప్పుడు కోలీవుడ్ ఇండస్ట్రీలో ఎంట్రీ కోసమే ఇలా రెమ్యూనరేషన్ తగ్గించుకున్నట్లు నిపుణులు సైతం తెలియజేస్తున్నారు. మరి కొంతమంది వరుస ప్లాపుల వల్ల కోలీవుడ్ లో కూడా తన మార్కెట్ ని నిలుపుకోవడం కోసమే శ్రీలీల ఇలాంటి నిర్ణయం తీసుకుందేమో అన్నట్టుగా ఊహాగానాలు వినిపిస్తున్నాయి. పుష్ప 2 చిత్రంలో వేసిన స్పెషల్ సాంగ్ తో దేశవ్యాప్తంగా భారీ పాపులారిటీ సంపాదించుకుంది. బాలీవుడ్ లో కూడా కార్తీక్ ఆర్యన్ సరసన ఒక సినిమాలో నటిస్తోంది ఈ ముద్దుగుమ్మ. మరి ఈ సినిమా బాలీవుడ్లో ఈమె కెరియర్ కు ఏ విధంగా ప్లస్ అవుతుందో చూడాలి మరి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి