తాజా సమాచారం ప్రకారం, ఈ సినిమా కొత్త షెడ్యూల్ కోసం చిత్ర యూనిట్ ఒక స్పెషల్ సెట్ వేయించిందట. ఈ సెట్లో వరుణ్ తేజ్పై ఒక అదిరిపోయే ఎంట్రీ సాంగ్ చిత్రీకరించనున్నారు. ఈ మాస్ సాంగ్లో వరుణ్తో పాటు హీరోయిన్ రితికా నాయక్ కూడా స్టెప్పులు వేయబోతోంది. ‘అశోకవనంలో అర్జున కళ్యాణం’ సినిమాతో యూత్ మనసు దోచుకున్న రితికా నాయక్, ఈ సినిమాలో వరుణ్ సరసన లక్కీ ఛాన్స్ కొట్టేసింది. ఈ ఇద్దరి కెమిస్ట్రీ వెండితెరపై ఒక కలర్ఫుల్ విజువల్ ట్రీట్లా ఉండబోతోందని టాక్.
ఆ మధ్య విడుదలైన గ్లింప్స్లో వరుణ్ తేజ్ ‘నేను తిరిగొచ్చేశా’ అంటూ కొరియన్ భాషలో చెప్పడం అందరినీ ఆశ్చర్యపరిచింది. అసలు ఒక ఆంధ్రా బ్యాక్డ్రాప్ ఉన్న 'కనకరాజు'కు కొరియన్ భాషకు సంబంధం ఏంటి? అసలు కొరియా నుంచి వరుణ్ ఎందుకు తిరిగి వచ్చాడు? అనే అంశాలు కథలో చాలా ఆసక్తికరంగా ఉంటాయట. మేర్లపాక గాంధీ మార్క్ కామెడీ టైమింగ్, వరుణ్ తేజ్ మేకోవర్ ఈ సినిమాకు మేజర్ ప్లస్ పాయింట్స్ అని మేకర్స్ చెబుతున్నారు.
‘కొరియన్ కనకరాజు’ చిత్రాన్ని ఈ ఏడాది వేసవి కానుకగా విడుదల చేసేందుకు మేకర్స్ కసరత్తులు చేస్తున్నారు. సమ్మర్ హాలిడేస్లో ఫ్యామిలీస్, యూత్ అందరూ చూసేలా ఒక కంప్లీట్ ఎంటర్టైనర్గా ఈ సినిమాను తీర్చిదిద్దుతున్నారు. వరుణ్ తేజ్ తన మాస్ ఇమేజ్కు మేర్లపాక గాంధీ స్టైల్ వినోదాన్ని జోడిస్తుండటంతో, బాక్సాఫీస్ వద్ద కనకరాజు తన పేరు మీద ఒక రికార్డు సృష్టించడం ఖాయమని అభిమానులు ధీమా వ్యక్తం చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి