నిర్మాత మారుతున్నారా? క్లారిటీ ఇచ్చేసిన మూవీ టీమ్!
కె.వి.ఎన్ ప్రొడక్షన్స్ ఈ ప్రాజెక్ట్ నుండి తప్పుకున్నారని, నిర్మాత మారుతున్నారంటూ సోషల్ మీడియాలో పెద్ద ఎత్తున ప్రచారం జరిగింది. దీనికి కారణం.. ఈ బ్యానర్లో తెరకెక్కుతున్న 'టాక్సిక్' వంటి భారీ చిత్రాలు వాయిదా పడటం, మరికొన్ని సినిమాలు ఆలస్యం కావడం. అయితే, ఈ రూమర్లలో ఏమాత్రం నిజం లేదని నిర్మాత వెంకట్ కె. నారాయణ స్పష్టం చేశారు. “మేము మెగాస్టార్ ప్రాజెక్ట్పై పూర్తి కట్టుబడి ఉన్నాం. ఎక్కడా వెనక్కి తగ్గే ప్రసక్తి లేదు. త్వరలోనే ముహూర్తం మరియు రెగ్యులర్ షూటింగ్ వివరాలను అఫీషియల్గా వెల్లడిస్తాం.”
గ్యాంగ్స్టర్గా మెగాస్టార్ మ్యాజిక్:
'వాల్తేరు వీరయ్య'లో చిరంజీవిని పక్కా మాస్ లుక్లో చూపించి బాక్సాఫీస్ హిట్ కొట్టిన బాబీ, ఈసారి అంతకు మించిన ప్లాన్ చేస్తున్నారట. ఈ సినిమాలో మెగాస్టార్ ఒక పవర్ఫుల్ గ్యాంగ్స్టర్ పాత్రలో కనిపించబోతున్నారు.గ్యాంగ్స్టర్ డ్రామా అంటేనే యాక్షన్ సీక్వెన్స్లు, పవర్ ఫుల్ డైలాగ్స్ ఉంటాయి. చిరంజీవి బాడీ లాంగ్వేజ్కు తగ్గట్టుగా బాబీ అదిరిపోయే సీన్లను సిద్ధం చేసినట్లు సమాచారం. బాబీ సినిమాల్లో కేవలం మాస్ మాత్రమే కాదు, బలమైన ఎమోషన్ కూడా ఉంటుంది. ఈ మూవీలో గ్యాంగ్స్టర్ కథతో పాటు తండ్రీకూతుళ్ల మధ్య ఉండే హృదయానికి హత్తుకునే సెంటిమెంట్ ప్రధాన ఆకర్షణగా నిలవనుందట.
ప్రస్తుతం ఈ సినిమా ప్రీ-ప్రొడక్షన్ పనులు చివరి దశలో ఉన్నాయి. త్వరలోనే చిరంజీవి మళ్ళీ మేకప్ వేసుకుని సెట్స్లోకి అడుగుపెట్టబోతున్నారు. బాక్సాఫీస్ వద్ద మెగా సునామీ మొదలవ్వడానికి కౌంట్డౌన్ స్టార్ట్ అయిపోయింది. మెగా అభిమానులందరూ సంక్రాంతి 2027 కోసం వేయికళ్లతో ఎదురుచూస్తున్నారు. 'వాల్తేరు వీరయ్య' మ్యాజిక్ మళ్ళీ రిపీట్ అయితే బాక్సాఫీస్ రికార్డులు తిరగరాయడం ఖాయం!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి