అందంగా ఉంటే సరిపోదేమో. దాన్ని ప్రదర్శిస్తేనే కదా చాన్సులు వచ్చేది. కొంతమందికి అందం ఉన్నా అవకాశాలు రావు. దానికి వారు ఎంచుకున్న సినిమాలు. రిలీజ్ అయిన టైమ్ . ఇలా అన్నీ ఉండి బాడ్ లక్ వారిని వెనక్కు నెట్టేస్తుంది. అలాటపుడు మళ్ళీ లైమ్ లైట్ లోకి రావాలని చేసే ప్రయత్నాల్లో ఎన్నో విన్యాసాలు ఉంటాయి.
సొగసు ఇంద్రదనస్సులు ఉంటాయి. అలా ఇపుడు తన హాట్ ఫోజులతో మ‌త్తెక్కిస్తోంది అమైరా దస్తూర్. ఈ అమ్మడు మంజుల దర్శకత్వం వహించిన మనసుకు నచ్చింది చిత్రంతో తెలుగు తెరకు పరిచయం అయ్యింది. ఆ చిత్రంలో సందీప్ కిషన్ కథానాయకుడిగా నటించాడు. కానీ తొలి ప్రయత్నం బాక్సాఫీస్ వద్ద ఆశించిన ఫలితం దక్కలేదు. పైగా ఆ సినిమాలో పక్కింటమ్మాయి తరహా పాత్రలో నటించడం అమైరా మైలేజ్ కి అడ్డంకిగా మారింది. మొదటి సినిమా తర్వాత ఎవరూ పిలిచి అవకాశం ఇచ్చిందే లేదు. అందుకే ప్రస్తుతం ఈ అమ్మడు టాలీవుడ్ లో ఉనికిని కోల్పోయి కొత్త పరిశ్రమల్లో అవకాశాల కోసం ప్రయత్నిస్తోంది.
అందులో భాగంగా లేతెస్ట్ గా కొన్ని హాట్ హాట్ ఇమేజ్ లతో ముందుకు వచ్చింది. తాను ఎక్కడా తగ్గడం లేదని కూడా చాటుకుంటోంది. అమైరా ఈ కొత్త ఫోటోషూట్ లో మునుపటి కంటే హాట్ గా కనిపించింది. అందమైన నవ్వుతో కుర్రకారు గాలం వేసింది. ప్రస్తుతం ఈ ఫోటోలు సామాజిక మాధ్యమాల్లో జోరుగా వైరల్ అవుతున్నాయి. ప్రస్తుత కెరీర్ ని పరిశీలిస్తే.. 2019లో ఈ అమ్మడు ఓ రెండు హిందీ చిత్రాల్లో - ఓ తమిళ చిత్రంలో నటిస్తోంది. తమిళంలో ఊడి ఊడి ఉజైకానుమ్ అనే చిత్రంలో నటిస్తోంది. అలాగే బాలీవుడ్ లో మెంటల్ హై క్యా మేడ్ ఇన్ చైనా చిత్రాల్లో ఆడిపాడుతోంది. మరి తెలుగులో ఎంట్రీ ఎపుడంటే మాత్రం మన హీరోలు, నిర్మాతలు చెప్పాల్సిందే.
