తద్వారా ఎంతో మంది పిల్లలను చదివించే స్తోమత లేని వారు సైతం ప్రస్తుతం తమ పిల్లలను బడికి పంపించేందుకు కూడా సిద్ధమవుతున్నారు. అదే సమయంలో రాష్ట్రంలో నాడు నేడు అనే కార్యక్రమంతో పాఠశాల రూపురేఖలు మార్చేసింది. ఇక ఇంగ్లీష్ మీడియం విద్యను తీసుకొచ్చేందుకూ నిర్ణయించి విద్యార్థులకు మెరుగైన విద్య అందించేందుకు సిద్ధమైంది. ఇక నాడు నేడు కార్యక్రమం లో భాగంగా స్కూల్ పిల్లలకు టెక్స్ట్ బుక్కులు, నోట్ బుక్కులు.. అంతే కాకుండా ఇక యూనిఫామ్ , బూట్లు, బెల్ట్, టై లాంటివి అందిస్తుంది ప్రభుత్వం. ఇటీవలే ఏపీలో జగనన్న విద్యా కానుక పథకం ప్రారంభించేందుకు సిద్ధమైంది ప్రభుత్వం .
ఈ క్రమంలోనే జగనన్న విద్యా కానుక విషయంలో అధికారులు అలసత్వం వహిస్తే సహించేది లేదు అంటూ హెచ్చరించింది ఏపీ ప్రభుత్వం. జగనన్న విద్యా కానుక పథకం లోని వస్తువులను గడువులోగా సరఫరా చేయాలని రాష్ట్ర ప్రభుత్వం తెలిపింది. లేదంటే గుత్తేదారులకు జరిమానా తప్పదు అంటూ హెచ్చరించింది. ఈ విషయాన్ని ఏపీ విద్యాశాఖ మంత్రి ఆదిమూలపు సురేష్ ఇటీవల స్పష్టం చేశారు. ఈ నెల 16 లోపు ఇక రాష్ట్రంలోని అన్ని పాఠశాలలకు కూడా విద్యా కానుక కిట్స్ పంపిణీ చేయాలంటూ ఆదేశాలు జారీ చేశారు. కాగా జగన్ ప్రభుత్వం ప్రతిష్టాత్మకంగా తీసుకొస్తున్న జగనన్న విద్యా కానుక పథకాన్ని పశ్చిమగోదావరి జిల్లాలో ఆగస్టు 16వ తేదీన సీఎం జగన్ ప్రారంభించనున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి