కొన్నిసార్లు చిన్నారులు చేసే పనులు ఒక్కోసారి పెద్దల మనసుల్ని కదిలించేస్తాయి. వారు చేసే చిన్న పని మనకి ఎంతో ఆహ్లాదంగా అనిపిస్తుంది. ఇప్పుడు ఒక చిన్నారి చేసిన పని సోషల్ మీడియాలో అందరి దృష్టినీ ఆకర్షించింది. చిన్న బాలిక చేసిన ఆ పనితో దయ అనే పదానికి సారైన అర్ధం కనిపించింది అని అంతా కామెంట్ చేస్తున్నారు. ఇప్పుడు ట్విట్టర్ లో ట్రెండీగా మారిన ఆ వీడియోలో..
ఇక వర్షం పడుతోంది రోడ్డుమీద ఒక కుక్క తడిచిపోతోంది. అక్కడే గొడుగు వేసుకుని ఒక చిన్న పిల్ల నిలుచుని ఉంది. తదిచిపోతున్న కుక్కను చూసింది. తన గొడుగు తీసుకెళ్ళి ఆ కుక్కపై వర్షం పడకుండా అడ్డు పెట్టింది. దానిని జాగ్రత్తగా రోడ్డు దాటించి తీసుకువెళ్ళింది. అలాగే, ఆ కుక్కను వదిలేయడానికి ఆ చిన్నారి ఒప్పుకోలేదు. ఎంతో దయామయంగా కనిపించిన ఈ చిన్నారి చేసిన పని ఇప్పుడు అందరి మనసుల్నీ తడి చేస్తోంది.
ఈ వీడియోను ఇండియన్ ఫారెస్ట్ సర్వీస్ (ఐఎఫ్ఎస్) అధికారి సుశాంత నందా ఈ రోజు ట్విట్టర్లో షేర్ చేశారు. ఆయన ఈ వీడియోను షేర్ చేసిన వెంటనే వందలాది మంది దీనిని రెట్వీట్ చేశారు. ఈ ట్వీట్ చేస్తూ సుశాంత నందా “దయ మరొకరి కోసం చిన్నచిన్న పనులు చేయిస్తుంది. ఇదే పనీ దయతో మీరు చేయగలరు” అంటూ క్యాప్షన్ ఇచ్చారు. ఇక ఈ వీడియోను చూసిన వారంతా ఆ చిన్నారిపై ప్రసంశల జల్లు కురిపిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి