സംസ്ഥാനത്ത് തിങ്കളാഴ്ച മുതൽ രാത്രികാല കർഫ്യൂ! രാത്രി പത്ത് മുതൽ രാവിലെ ആറ് വരെയാണ് നിയന്ത്രണം. ഞായറാഴ്ച കർഫ്യൂ ഇപ്പോൾ നിലവിലുണ്ട്. പ്രതിവാര രോഗവ്യാപനം ഏഴിനു മുകളിൽ കൂടുതലുള്ള സ്ഥലങ്ങളിൽ ലോക്ക് ഡൗൺ ഏ‍ർപ്പെടുത്തുമെന്നും മുഖ്യമന്ത്രി പറഞ്ഞു.സംസംസ്ഥാനത്ത് കൊവിഡ് വ്യാപനം ശക്തമായി തുടരുന്ന സാഹചര്യത്തിൽ തിങ്കളാഴ്ച മുതൽ രാത്രികാല കർഫ്യൂ നടപ്പാക്കുമെന്ന് മുഖ്യമന്ത്രി പിണറായി വിജയൻ. രാജ്യത്ത് കൊവിഡ് മരണനിരക്ക് കുറവുള്ള സംസ്ഥാനം കേരളമാണ്. 0.51 ശതമാനമാണ് കേരളത്തിലെ കൊവിഡ് മരണ നിരക്ക്. ദേശീയ ശരാശരി ഇതിന്റെ മൂന്നിരട്ടിയാണ്.
രോഗ വ്യാപനം തടയുന്നതിന് പദ്ധതികൾ ആവിഷ്കരിക്കാൻ തിങ്കളാഴ്ച യോഗം ചേരുമെന്നും മുഖ്യമന്ത്രി പറഞ്ഞു. മൂന്നാം തരംഗത്തെ നേരിടാൻ സജ്ജമാവുക, കൊവിഡ് മരണങ്ങൾ അധികരിക്കാതെ നിർത്തുക, വാക്സിനേഷൻ അതിവേഗത്തിൽ പൂർത്തീകരിക്കുക എന്നിങ്ങനെയുള്ള പ്രധാന ലക്ഷ്യങ്ങൾ നമുക്ക് മുന്നിലുണ്ട്. ഒപ്പം ജനജീവിതം സാധാരണ നിലയിലേക്ക് തിരിച്ചു കൊണ്ടുവരേണ്ടതുണ്ട്. കോവിഡ് സാമൂഹിക ജീവിതത്തിൽ ഏൽപ്പിച്ച പരിക്കുകൾ ഭേദപ്പെടുത്തേണ്ടതുമുണ്ട്, മുഖ്യമന്ത്രി പറഞ്ഞു. കൊവിഡ് വ്യാപനം തുടരുന്ന സാഹചര്യത്തെ വളരെ ഗൗരവപൂർവം പരിശോധിക്കുകയും നടപടികൾ സ്വീകരിച്ചു വരികയും ചെയ്യുകയാണ്.
മൂന്നാം തരംഗത്തിൻറെ സാധ്യതകൾ നിലനിൽക്കേ കൂടുതൽ ജാഗ്രതയോടെ ഇനിയുള്ള ദിവസങ്ങളിൽ മുൻപോട്ടു പോയേ മതിയാകൂ.സംസ്ഥാനത്ത് അനുബന്ധ രോഗങ്ങളുള്ളവർക്കും പ്രായം കൂടിയവർക്കും കൊവിഡ് ബാധയുണ്ടായാൽ അതിവേഗം ചികിത്സ ലഭ്യമാക്കാൻ നടപടിയെടുക്കും അവർക്ക് ഏറ്റവും മികച്ച ചികിത്സ ലഭ്യമാക്കുന്നതിന് ഊന്നൽ നൽകും. അനുബന്ധ രോഗമുള്ളവർ ആശുപത്രിയിലെത്തുന്നില്ലെങ്കിൽ രോഗം അതിവേഗം വഷളാകാനും മരണം സംഭവിക്കാനും സാധ്യത വളരെ കൂടുതലാണ്. ആ വിപത്ത് ഒഴിവാക്കാനുള്ള എല്ലാ ഇടപെടലുമുണ്ടാകും.
അനുബന്ധ രോഗികളുടെ കാര്യത്തിൽ ആദ്യത്തെ ദിവസങ്ങൾ വളരെ നിർണായകമാണ്. ആശുപത്രിയിൽ എത്തിക്കാൻ വൈകി പോയാൽ ഗുരുതരമാകുന്ന അവസ്ഥയിലേക്ക് നീങ്ങി പോകുന്ന സ്ഥിതി പലകേസുകളിലും ഉണ്ട്. കൊവിഡ് വ്യാപനം തുടരുന്ന സാഹചര്യത്തെ വളരെ ഗൗരവപൂർവം പരിശോധിക്കുകയും നടപടികൾ സ്വീകരിച്ചു വരികയും ചെയ്യുകയാണ്. മൂന്നാം തരംഗത്തിൻറെ സാധ്യതകൾ നിലനിൽക്കേ കൂടുതൽ ജാഗ്രതയോടെ ഇനിയുള്ള ദിവസങ്ങളിൽ മുൻപോട്ടു പോയേ മതിയാകൂ.
Find out more:
click and follow Indiaherald WhatsApp channel