ఇటీవల కడప జిల్లా మైదుకూరు పర్యటన చేస్తున్నప్పుడు కూడా ఆమె ముందు జై జగన్ అంటూ నినాదాలు చేశారు. ముఖ్యంగా ఒక యువకుడు అదే పనిగా జై జగన్ అంటూ నినాదాలు చేశాడు. అయితే ఎక్కడో జనాల్లో దాక్కొని అనడం కాదు, దమ్ముంటే నా ముందుకు వచ్చి మైక్ ముందు మాట్లాడుతూ జగన్ కి ఎందుకు ఓటేయాలో చెప్పు అని అడిగారు షర్మిల. అయితే ఆ యువకుడు ఆమె సవాల్ ను స్వీకరించి ధైర్యంగా జగన్ ఐదేళ్ల పరిపాలనలో ఏం చేసారో, ఎందుకు ఓటేయాలో చెప్పాడు.
"జగన్ అన్న మా కోసం వచ్చినాడు, మా సమస్యలు విన్నాడు. సమస్యలు తీరుస్తానని అప్పుడు చెప్పాడు, చెప్పిన ప్రకారమే అన్ని హామీలు నెరవేర్చాడు. ఏపీలోని ప్రతి కుటుంబం సంక్షేమ పథకాలను పొందుతోంది. ఆయన మా కోసమే పుట్టినట్లు అన్ని పనులు చేస్తున్నాడు. ఇప్పుడే కాదు ఎప్పటికీ ఆయన మాతోనే ఉంటాడు. మీలాగా పక్క రాష్ట్రాలకు వెళ్లి ఎన్నికల్లో పోటీ చేస్తానని అనరు. మీరు అక్కడ ఎన్నికల్లో పోటీ చేయకుండానే ఏపీకి వచ్చేసారు, ఇప్పుడు ఇక్కడ పోటీ అంటున్నారు. మాకు ఒక్క జగన్ తప్ప ఎవరూ అవసరం లేదు, మీరు కూడా జగన్తో కలిసి నడవండి అక్క" అని సదరు యువకుడు అన్నాడు.
ఆ యువకుడు అలా మాట్లాడుతుంటే షర్మిల షాక్ అయిపోయారు. ఇలాంటి పరిణామం ఊహించని ఆమె ఏం మాట్లాడాలో కూడా తెలియక సైలెంట్ అయిపోయారు. తర్వాత ఏదో కౌంటర్ ఇచ్చే ప్రయత్నం చేశారు కానీ దానికంటే ఈ యువకుడు మాట్లాడిన మాటలే బాగా హైలైట్ అయ్యాయి.