జగన్ ను ఓడించడానికి ఒకవైపు చంద్రబాబు పవన్ ఏ స్థాయిలో కష్టపడుతున్నారో మరోవైపు షర్మిల సునీత అదే స్థాయిలో కష్టపడుతున్నారు. జగన్ రాశి మిథున రాశి అని నక్షత్రం ఆరుద్ర నక్షత్రం అని జ్యోతిష్కులు చెప్పుకొచ్చారు. జగన్ రాశి ప్రకారం ప్రస్తుతం అనుకూల పరిస్థితులు ఉన్నాయని అయితే ఇదే సమయంలో టీడీపీ, జనసేన, బీజేపీ ప్రధాన నేతల జాతకాలను సైతం పరిగణనలోకి తీసుకోవాల్సి ఉంటుందని జ్యోతిష్కులు పేర్కొన్నారు.
జగన్ జాతకం ప్రకారం శని సంచారం నవమ స్థానంలో ఉందని లాభ స్థానంలో గురువు ఉన్నట్టు జ్యోతిష్కులు తెలిపారు. ఎన్నికల సమయంలో మాత్రం వ్యయ స్థానంలో గురువు సంచారం ఉంటుందని చతుర్థ స్థానంలో కేతువు యొక్క సంచారం ఉందని జ్యోతిష్కులు వెల్లడించారు. ఎన్నికల సమయానికి జగన్ కు కొన్ని క్లిష్టమైన సమస్యలు ఎదురవుతాయని కూటమి నుంచి జగన్ కు గట్టి పోటీ ఉంటుందని జ్యోతిష్కులు చెప్పుకొచ్చారు.
జ్యోతిష్కులు చెప్పిన విషయాల ప్రకారం చంద్రబాబు జాతకంతో పోల్చి చూస్తే జగన్ కు కొంతమేర జాతక ఫలితాలు అనుకూలంగా ఉన్నాయి. పవన్ జాతకాన్ని పరిశీలిస్తే గతం కంటే మెరుగైన ఫలితాలు వస్తాయని జ్యోతిష్కులు వెల్లడించారు. పవన్ కు ఎన్నికల తర్వాత గుర్తింపు మరింత పెరుగుతుందని జ్యోతిష్కుల నుంచి అభిప్రాయాలు వ్యక్తమవుతున్నాయి. పవన్ ఎమ్మెల్యేగా కూడా విజయం సాధించే ఛాన్స్ ఉందని వాళ్లు చెబుతున్నారు.
