ఈ విమర్శకుల్లో ఆస్ట్రేలియా మాజీ దిగ్గజ క్రికెటర్ ఆడమ్ గిల్‌క్రిస్ట్ గొంతు గట్టిగా వినిపిస్తోంది. మ్యాచ్‌లో ధోనీ వ్యూహాలను, ముఖ్యంగా సెకండ్ లాస్ట్ (19వ) ఓవర్‌ను ఖలీల్ అహ్మద్‌కు ఇవ్వడాన్ని ఆయన తప్పుబట్టారు. ఆ ఓవర్‌లో RCB బ్యాటర్ రొమారియో షెపర్డ్ ఏకంగా నాలుగు సిక్సర్లు, రెండు ఫోర్లతో మొత్తం 33 పరుగులు పిండుకున్నాడు. అంతకుముందు తన రెండు ఓవర్లలోనే ఖలీల్ 32 పరుగులు సమర్పించుకున్నాడని, అలాంటి బౌలర్‌ను అంత కీలక సమయంలో మళ్లీ బౌలింగ్‌కు తీసుకురావడం పెద్ద రిస్క్ అని గిల్‌క్రిస్ట్ అభిప్రాయపడ్డారు.
ధోనీకి వేరే ఆప్షన్లు కూడా ఉన్నాయని గిల్‌క్రిస్ట్ అన్నారు. రవీంద్ర జడేజా లాంటి స్పిన్నర్‌ను గానీ, లేదా కంబోజ్ వంటి బౌలర్‌ను గానీ ప్రయత్నించి ఉండాల్సిందని ఆయన సూచించారు. మొత్తం బౌలింగ్ ప్రదర్శన కొన్ని చోట్ల బాగున్నా, కొన్ని చోట్ల తేలిపోయిందని అన్నారు. ఆసక్తికరంగా, CSK బౌలర్లు 45 డాట్ బాల్స్ వేయడం నియంత్రణ చూపినట్లే అయినా.. మొత్తంగా బౌలింగ్‌లో నిలకడ లోపించిందని స్పష్టం చేశారు.
గిల్‌క్రిస్ట్ ధోనీ మానసిక స్థితి గురించి కూడా ఆందోళన వ్యక్తం చేశారు. ఒత్తిడిలో ప్రశాంతంగా ఉండటం ధోనీ నైజమని, కానీ ఇప్పుడు అదే అంతర్గత శక్తి, మానసిక చురుకుదనం ఇంకా ఉన్నాయా? అని ఆయన సందేహం వ్యక్తం చేశారు. ధోనీ తన కెరీర్ చివరి అంకంలో ఉన్నందున, క్లిష్ట సమయాల్లో వేగంగా, తెలివైన నిర్ణయాలు తీసుకునే విషయంలో అతని మెదడు మునుపటిలాగే పదునుగా పనిచేస్తోందా? అని గిల్‌క్రిస్ట్ ప్రశ్నించారు.
చివరగా, ధోనీ ఔటైన తీరును కూడా గిల్‌క్రిస్ట్ ప్రస్తావించారు. యశ్ దయాళ్ వేసిన ఫుల్ టాస్ బంతికి ధోనీ బౌల్డ్ అయ్యాడు. ఫామ్‌లో ఉన్నప్పుడు ధోనీ ఇలాంటి బంతుల్ని అస్సలు వదలడు. ఇది చిన్న విషయమే అయినా, మనకు తెలిసిన పాత ధోనీ బహుశా కనుమరుగవుతున్నాడేమో అనడానికి ఇదొక స్పష్టమైన సంకేతం అని గిల్‌క్రిస్ట్ వ్యాఖ్యానించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి