ఇలాంటి నేటి రోజుల్లో కూడా కొంతమంది యువత ఆలోచిస్తున్న తీరు ప్రతి ఒక్కరిని ముక్కున వేలేసుకునేలా చేస్తుంది. ఏకంగా చిన్న చిన్న అవసరాలకే నేరాలు చేయడానికి కూడా వెనకడుగు వేయడం లేదు. చేసేది తప్పు అని తెలిసిన కూడా తప్పదు అన్నట్లుగానే చేసేస్తూ ఉన్నారు అని చెప్పాలి. ఇలా ఇటీవల కాలంలో ఎంతోమంది ఏకంగా చోరీలు చేసేందుకు ప్రయత్నిస్తున్న ఘటనలు వెలుగులోకి వస్తూ ఉన్నాయని చెప్పాలి. ఇక్కడ ఇలాంటిదే జరిగింది. ఏకంగా స్నేహితుడి పుట్టినరోజును ఎంతో ఘనంగా సెలబ్రేట్ చేయాలనుకున్నారు మిగతా స్నేహితులు. డబ్బులు లేకపోవడంతో దొంగతనం చేసేందుకు కూడా సిద్ధమయ్యారు.
ఢిల్లీలో ఈ ఘటన వెలుగులోకి వచ్చింది అని చెప్పాలి. ఏకంగా 9 మంది స్నేహితులు కలిసి ఒక స్నేహితుడు పుట్టినరోజు కోసం మొబైల్స్ దొంగతనం చేయడానికి ప్రయత్నించి చివరికి పోలీసులకు దొరికారు. స్నేహితుడి బర్త్ డే కి ఖరీదైన మందు, మాంసం, భారీ కేక్ తీసుకువచ్చి ఘనంగా సెలబ్రేట్ చేయాలని అనుకున్నారు.. కానీ వారి వద్ద ఉన్న డబ్బులు సరిపోవు అని వారికి అర్థమైంది. దీంతో రోడ్డుపై వెళ్తున్న వారిని బెదిరించి సెల్ ఫోన్లు దొంగలించేందుకు ప్రయత్నించారు. విషయం తెలుసుకున్న పోలీసులు సంఘటన స్థలానికి చేరుకొని ఏకంగా ఎనిమిది మందిని అరెస్టు చేసి జైలుకు తరలించారు అని చెప్పాలి.
