ఆరెంజ్ ఎంత రుచికరమైన పండో ప్రత్యేకంగా చెప్పనవసరం లేదు. అలాగే ఇది మన ఆరోగ్యానికి కూడా చాలా మంచిది. ఇది మన శరీరంలోని రోగనిరోధక శక్తిని బలపరుస్తుంది. అనేక వ్యాధుల నుంచి శరీరాన్ని రక్షించడంలో సహాయపడుతుంది. ఆరెంజ్ విటమిన్ సి అతిపెద్ద మూలంగా చెప్పవచ్చు. ఆరోగ్యకరమైన చర్మం, బలమైన జుట్టు, కంటి చూపుకి ఇది చాలా ఉపయోగకరంగా ఉంటుంది. గర్భధారణ సమయంలో ఇది సర్వరోగ నివారిణి కంటే తక్కువ కాదు. నారింజ తినడం వల్ల కలిగే ప్రయోజనాల గురించి మనం ఇప్పుడు పూర్తిగా తెలుసుకుందాం.ఒక నారింజలో 170 కంటే ఎక్కువ ఫైటోకెమికల్స్, 60 ఫ్లేవనాయిడ్లు ఉంటాయి. ఇవి ఇతర యాంటీఆక్సిడెంట్ ఫుడ్ లేదా మెడిసిన్ కంటే ఎక్కువ. ఆరెంజ్ క్యాన్సర్, కీళ్లనొప్పులు, మధుమేహం, అల్జీమర్స్ నుండి ఉపశమనం పొందడంలో సహాయపడుతుంది.మన శరీరం డీఎన్‌ఏతోపాటు ఇతర జన్యు పదార్థాలను తయారు చేయడానికి పని చేస్తుంది. దీనికి బి విటమిన్ ఫోలేట్ అవసరం. 


గర్భిణీ స్త్రీలు గర్భధారణ సమయంలో నారింజ తినమని వైద్యులు సలహా ఇవ్వడానికి కారణం ఇదే. నారింజను తినడం వల్ల పిల్లల మెదడు సరిగ్గా అభివృద్ధి చెందుతుంది.నారింజలో ఫైబర్ పుష్కలంగా ఉంటుంది. ఇది మలబద్ధకం సమస్యను తొలగించి పేగులను శుభ్రంగా ఉంచడంలో సహాయపడుతుంది. మన శరీరానికి సరైన మొత్తంలో ఫైబర్ లభిస్తే, అది కొలెస్ట్రాల్‌ను తగ్గిస్తుంది. మధుమేహం సమస్య నుంచి కూడా ఉపశమనం పొందుతుంది. దీనితో పాటు, నారింజ గుండె సంబంధిత వ్యాధుల ప్రమాదాన్ని కూడా తగ్గిస్తుంది.విటమిన్ సి నారింజలో 70 శాతం వరకు ఉంటుంది. మనకు రోజుంతా ఉత్సాహంగా ఉంచేందుకు ఒక నారింజ మాత్రమే సహాయపడుతుంది. ఇందులో విటమిన్-సి పుష్కలంగా ఉండమే ఇందుకు కారణం. శరీరంలో ఐరన్ నిల్వ చేయడానికి, మెరుగైన రోగనిరోధక శక్తికి అవసరం.కాబట్టి రోజుకి కనీసం ఒక్కటైనా ఆరెంజ్ తినండి. ఎల్లప్పుడూ కూడా సంపూర్ణ ఆరోగ్యంగా ఉండండి.

మరింత సమాచారం తెలుసుకోండి:

health

Purushottham Vinay

18/10/2022 09:06 PM