ഇന്ത്യൻ വാഹന വിപണിയിൽ നിന്ന് ആദ്യമായി ആരോഗ്യപ്രവർത്തനത്തിന് സംഭാവനയായി എംജി മോട്ടോർ എത്തി. ഹെക്ടർ, ZS ഇവി എസ്‌യുവികളുടെ നിർമ്മാതാക്കളായ എംജി മോട്ടോർ 2 കോടി രൂപയാണ് കൊറോണ വൈറസ് ബാധ നിയന്ത്രിക്കുന്നതിനുള്ള പ്രവർത്തനത്തിനായി സംഭാവന ചെയ്യുക.

  എംജി മോട്ടോറിന്റെ കോർപറേറ്റ് ഓഫീസും നിർമ്മാണശാലയും നിലനിൽക്കുന്ന ഹരിയാനയിലെ ഗുരുഗ്രാം, ഗുജറാത്തിലെ ഹാലോൾ (വഡോദര) എന്നിവിടങ്ങളിൽ വൈദ്യസഹായം നൽകുന്ന സർക്കാർ ആശുപത്രികൾക്കും ആരോഗ്യ സ്ഥാപനങ്ങൾക്കും ആയിരിക്കും 2 കോടി രൂപ സംഭാവന ചെയ്യുക എന്ന് കമ്പനി വ്യക്തമാക്കി. കൊവിഡ് 19 മൂലം ലോകമാകെ കനത്ത പ്രതിസന്ധിയിലാണ്. വൈറസിനെതിരായ പോരാട്ടത്തിൽ പങ്കുചേർന്ന് പ്രമുഖരായ വ്യക്തികളും സ്ഥാപനങ്ങളും രക്ഷാപ്രവർത്തനത്തിന് സംഭാവനകൾ വാരിക്കോരി നൽകുന്നുണ്ട്.

 

   ആരോഗ്യ പ്രവർത്തകരുടെയും സമൂഹത്തിലെ പിന്നോക്ക വിഭാഗങ്ങളുടെയും ആരോഗ്യവും ക്ഷേമവും ഉറപ്പുവരുത്തുന്നതിനായാവും ഈ തുക ചിലവഴിക്കുക.ഗുരുഗ്രാം, ഹാലോൾ (വഡോദ്ര) എന്നിവിടങ്ങളിൽ വൈദ്യസഹായം നൽകുന്ന സർക്കാർ ആശുപത്രികളുടെയും ആരോഗ്യ സ്ഥാപനങ്ങളുടെയും പ്രത്യേക ആവശ്യമനുസരിച്ച് കയ്യുറകൾ, മാസ്കുകൾ, വെന്റിലേറ്ററുകൾ, മരുന്നുകൾ, കിടക്കകൾ എന്നിവ ആവശ്യവസ്തുക്കൾ സംഭാവനയിൽ പെടും.

 

 ഇത് കൂടാതെ തങ്ങളുടെ ഡീലർഷിപ്പുകളിലും വർക്ക് ഷോപ്പുകളിലും ജീവനക്കാരുടെ സുരക്ഷയ്ക്കും ക്ഷേമത്തിന്റെയും ഭാഗമായി, രാജ്യത്തുടനീളമുള്ള 5000 ജീവനക്കാർക്ക് മെച്ചപ്പെട്ട ഇൻഷുറൻസ് പരിരക്ഷ ഉറപ്പാക്കാൻ എംജി മോട്ടോർ ഡീലർമാർക്ക് നിർദേശം നൽകിയിട്ടുണ്ട്.ഒരു കോടി രൂപ കമ്പനി നേരിട്ട് സംഭാവന ചെയ്യുമ്പോൾ ബാക്കി ഒരു കോടി എംജി മോട്ടോർ ജീവനക്കാർ വകയായാണ്.  

 

  പേര് സൂചിപ്പിക്കും പോലെ തന്നെ എംജിയുടെ വമ്പൻ വിജയം നേടിയ ഹെക്ടർ എസ്‌യുവിയുടെ 7 സീറ്റർ വകഭേദമാണ് ഹെക്ടർ പ്ലസ്. ഹെക്ടറിനേക്കാൾ നീളം 40 എംഎം കൂടി, 4695 എംഎം ആണ് ഹെക്ടർ പ്ലസിന്റെ നീളം.

 

  എംജി ഹെക്ടർ പ്ലസിന്റെ വില ഏകദേശം 14 ലക്ഷം രൂപയിൽ ആരംഭിക്കാനാണ് സാധ്യത.കൊറോണ കാലം കഴിഞ്ഞാൽ ഉടനെ രണ്ട് എസ്‌യുവികൾ വില്പനക്കെത്തിക്കാനാണ് എംജി മോട്ടോറിന്റെ പദ്ധതി.

 

  ഈ വർഷത്തിന്റെ മൂന്നാം പാദത്തിൽ അതായത് ജൂലൈയ്ക്കും സെപ്റ്റംബറിനും ഇടയിൽ ആണ് ഹെക്ടർ പ്ലസ്സിനെ എംജി മോട്ടോർ ഇന്ത്യ വില്പനക്കെത്തിക്കുക. അതുകൊണ്ടുതന്നെ ഏകദേശം 35 ലക്ഷത്തിനും 45 ലക്ഷത്തിനും ഇടയിൽ ഗ്ലോസ്റ്ററിന് എക്‌സ്-ഷോറൂം വില വരും. മാക്‌സസിൻ്റെ D90 എസ്‌യുവി ബാഡ്ജ് എഞ്ചിനീറിങ് ചെയ്ത് എത്തിയതാണ് എംജി ഗ്ലോസ്റ്റർ.

 

  7 സീറ്റർ ഫുൾ സൈസ് പ്രീമിയം എസ്‌യുവിയായ ഗ്ലോസ്റ്റർ ഈ വർഷം ദീപാവലിയോടെയാണ് എംജി മോട്ടോർ വില്പനക്കെത്തുക. 5,005 എംഎം നീളവും 1,932 എംഎം വീതിയും 1,875 എംഎം ഉയരവുമുള്ള എംജി ഗ്ലോസ്റ്റർ വലിപ്പത്തിന്റെ കാര്യത്തിൽ എതിരാളികളായ ടൊയോട്ട ഫോർച്യൂണറിനെക്കാളും ഫോർഡ് എൻഡവറിനെക്കാളും മുൻപനാണ്