చిరంజీవి బాబి డైరెక్షన్లో నటిస్తున్న వాల్తేరు వీరయ్య సినిమా అలాగే గోపీచంద్ మలినేని దర్శకత్వంలో బాలకృష్ణ నటిస్తున్న వీరసింహారెడ్డి సినిమాలు ఒక్కరోజు తేడాతో సంక్రాంతి బరిలో దిగబోతున్నాయి. ఇకపోతే వాల్తేరు వీరయ్య సినిమా జనవరి 13 , బాలకృష్ణ వీరసింహారెడ్డి సినిమా జనవరి 12న విడుదల కాబోతున్న నేపథ్యంలో ఈ సినిమాల ప్రీ రిలీజ్ ఈవెంట్ ల డేట్లు కూడా ప్రకటించారు. అయితే ఇక్కడ విషయం ఏమిటంటే సినిమా ప్రమోషన్స్ విషయంలో చిరంజీవి కంటే బాలయ్య వెనుకబడ్డాడు అనే వార్తలు వినిపిస్తున్నాయి.
ఇటీవల నటీనటులు సిబ్బంది అంతా మీడియాతో జరిగిన ప్రశ్నోత్తరాల కార్యక్రమానికి హాజరయ్యారు. అలాగే డైరెక్టర్ బాబీ ఆన్ లైన్లోనే కాకుండా ఆఫ్ లైన్లో కూడా చిరంజీవి అభిమానులతో నిరంతరం టచ్ లో ఉంటున్నాడు. కానీ వీర సింహారెడ్డి సినిమాకు సంబంధించి ఇప్పుడు ఎటువంటి ప్రమోషన్స్ చేపట్టకపోవడంతో అభిమానులు ఆందోళన వ్యక్తం చేస్తున్నారు. బాలకృష్ణ నేరుగా అన్ స్టాపబుల్ షో కి జనవరి 8వ తేదీన తన టీమ్ ను తీసుకొచ్చే ప్రయత్నం చేస్తున్నట్లు తెలుస్తోంది. ఈ ఒక్క ఎపిసోడ్ తో పాపులారిటీ పెంచే ప్రయత్నం కూడా బాలయ్య చేయబోతున్నారట. మరి ఈ ఇద్దరిలో ఎవరిది పై చేయి అవుతుందో చూడాలి.