టాలీవుడ్ స్టార్ డైరెక్టర్ గ్లోబల్ లెవెల్ లో గుర్తింపు పొందిన ఇండియన్ డైరెక్టర్ దర్శక ధీరుడు ఎస్ ఎస్ రాజమౌళి తెరకెక్కించిన ఆర్ఆర్ఆర్ సినిమా మరో ప్రముఖ అవార్డు దక్కించుకొని వార్తల్లో నిలిచింది. ఎన్టీఆర్ - రామ్ చరణ్ హీరోలుగా అజయ్ దేవగన్ , అలియాభట్ ఇంకా శ్రీయ లతో పాటు హాలీవుడ్ నటి నటులు నటించిన ఈ మూవీ వరల్డ్ వైడ్ గా చాలా పెద్ద భారీ విజయాన్ని సొంతం చేసుకోవడమే కాదు ఈ చిత్రంలోని నాటు నాటు సాంగ్ అయితే ఏకంగా ఆస్కార్ అవార్డ్స్ బరిలో కూడా నిలిచింది.ఇక ఇప్పటికే ఈ ఎన్నో అవార్డ్స్ , రివార్డ్స్ దక్కించుకున్న ఈ సినిమా తాజాగా ఇండియన్‌ ఫిలిం ఇండస్ట్రీలోనే అత్యంత ప్రతిష్ఠాత్మకంగా భావించే దాదా సాహెబ్‌ ఫాల్కే అవార్డుని కూడా సొంతం చేసుకుంది.సోమవారం నాడు రాత్రి ముంబైలో జరిగిన ఇంటర్నేషనల్‌ ఫిలిం ఫెస్టివల్‌ 2023 అవార్డుల ప్రదానోత్సవం చాలా అట్టహాసంగా జరిగింది. ఈ సందర్భంగా ఆర్‌ఆర్‌ఆర్‌ సినిమా ఫిలిం ఆఫ్‌ ది ఇయర్‌ అవార్డుని దక్కించుకుంది. 


ఇంకా అలాగే కన్నడ చిత్రసీమ నుంచి చిన్న సినిమాగా విడుదలై దేశవ్యాప్తంగా కూడా సంచలన విజయం అందుకున్న కాంతార సినిమాకు కూడా అవార్డు వచ్చింది. ఈ సినిమాలో నటనకు గానూ మోస్ట్‌ ప్రామిసింగ్‌ యాక్టర్‌ అవార్డును హీరో రిషబ్‌ శెట్టి దక్కించుకున్నాడు. ఇక ఉత్తమ చిత్రంగా ది కశ్మీర్‌ ఫైల్స్‌  ఇంకా అలాగే ఉత్తమ నటుడిగా రణ్‌బీర్‌ కపూర్‌ ( బ్రహ్మస్త్ర 1) అలాగే ఉత్తమ నటిగా ఆలియాభట్‌ (గంగూబాయి కథియావాడీ) అవార్డు సొంతం చేసుకున్నారు.అయితే ఈ అవార్డుల పై ఇప్పుడు వివాదం చెలరేగుతుంది.ఎందుకంటే చాలా అవార్డులు కూడా బాలీవుడ్ కే దక్కాయి. మరీ దారుణమైన విషయం ఏమిటంటే అలియా భట్, రణబీర్ కపూర్, వరుణ్ ధావన్ లాంటి యాక్టర్లకి అవార్డు రావడం.రామ్ చరణ్, ఎన్టీఆర్ ల నటన కంటే వీళ్ళ నటన అంత బాగుందా? అనే విమర్శలు బాగా ఎక్కువవుతున్నాయి. వాళ్లకి రాని అవార్డులు వీళ్ళకి ఎలా వస్తాయి అని సోషల్ మీడియాలో ట్రోల్ చేస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Purushottham Vinay

21/02/2023 07:39 PM