శ్రీ వెంకటేశ్వర క్రియేషన్స్ బ్యానర్ పై 50 వ సినిమాగా ఎంతో ప్రతిష్టాత్మకంగా దీనిని దిల్ రాజు, శిరీష్ ఎంతో గ్రాండ్ లెవెల్లో భారీ వ్యయంతో నిర్మించనున్నారు. కియారా అద్వాని హీరోయిన్ గా నటించనున్న ఈ సినిమాకి ఎస్ థమన్ సంగీతం అందించనుండగా తిరు ఫోటోగ్రాఫర్ గా వ్యవహరించనున్నారు. కాగా ఈ మూవీ ఓపెనింగ్ ని నేడు హైదరాబాద్ లో ఎంతో గ్రాండ్ లెవెల్లో నిర్వహించింది యూనిట్. మెగాస్టార్ చిరంజీవి, బాలీవుడ్ యాక్టర్ రణ్వీర్ సింగ్, మెగా దర్శకుడు ఎస్ ఎస్ రాజమౌళి సహా ఈ సినిమాలో ఇతర పాత్రలు చేస్తున్న అంజలి, సునీల్ ఇలా అనేకమంది ప్రముఖులు ఈ మూవీ ఓపెనింగ్ లో పాల్గొని సందడి చేశారు. ఆ ఫోటోలు నేడు ఉదయం నుండి ఎంతో వైరల్ అవుతున్నాయి. అయితే షాకింగ్ గా ఈ మూవీ ఓపెనింగ్ కి సూపర్ స్టార్ మహేష్ బాబు వచ్చారు అంటూ ఒక ఫోటో సడన్ గా నెట్టింట విపరీతంగా చక్కర్లు కొట్టడంతో నిజంగా మహేష్ ఈ వేడుకకి వచ్చారని కొందరు భావించారు. అయితే ఆ తరువాత పరిశీలించిన అనంతరం అది కేవలం ఫ్యాన్ మేడ్ పిక్ మాత్రమే అని తెలిసింది. అయితే అది ఎడిట్ చేసిన పిక్ అయినప్పటికీ కూడా ఎంతో రియల్ గా ఉందని, మహేష్ కి మంచి ఫ్రెండ్ అయిన రామ్ చరణ్ తప్పకుండా ఈ మూవీ తో మంచి సక్సెస్ అందుకోవాలని కోరుతూ పలువురు మహేష్ ఫ్యాన్స్ తో పాటు ఆడియన్స్ ఆయనకు ముందస్తుగా శుభాభినందనలు తెలియచేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి