కొండపొలం చిత్రంలో కురుమలు ఎదుర్కొంటున్న సమస్యలను బాగా చూపించారనే విషయంలో ట్రైలర్ లో స్పష్టమవుతోంది. ఈ చిత్రంలో హీరో పేరు కటారు రవీంద్ర యాదవ్. ఈ పేరును తీవ్రంగా వ్యతిరేకించాయి కురుమ సంఘాలు. యాదవులు గొర్రెలు, మేకలు, గేదెలే కాకుండా ఇతర పశువులను మేపుతారు. అదే కురుమలు అయితే గొర్రెలు మాత్రమే కాస్తారనే విషయాన్ని స్పష్టం చేశారు.
గొల్లలు లేదా యాదవులు బీసీ- డీ కిందకు వస్తే.. కురమలు బీసీ-బీ కిందకు వస్తారు. అంటే యాదవుల కంటే కురుమలు ఇంకా వెనుకబడిన వారి కిందకు వస్తారు. తమ పేరు చివరన కురుమ అని పెట్టుకుంటామని స్పష్టం చేశారు. యాదవుల కులదైవం మల్లన్న అనీ.. కురుమల ఇలవేర్పు బీరప్ప అని తెలియజేశారు. కురుమల మనోభావాలను దెబ్బతీసేలా కొండపొలం ఉందంటూ మండిపడ్డారు. వెంటనే హీరో పేరును మార్చాలని డిమాండ్ చేశారు. యాదవ్ పేరును తీసివేసినా తమకు అభ్యంతరం లేదనే అభిప్రాయాన్ని వ్యక్తం చేశారు.