ఇలా సినిమా ఇండస్ట్రీలో కొనసాగిన వారు ఆ తర్వాత కాలంలో రాజకీయాల్లోకి వెళ్లడం పరిపాటిగా మారింది. అయితే ఇలా పాలిటిక్స్ లోకి వెళ్ళిన వారు కొంతమంది సక్సెస్ అయితే మరి కొంతమంది మాత్రం పెద్దగా సక్సెస్ కాలేక మళ్ళీ సినిమాల వైపు నడిచిన వారు కూడా ఉన్నారు. అయితే సినిమా రంగం నుంచి రాజకీయాల్లోకి వెళ్లి మొట్టమొదటిసారిగా కీలక పదవి చేపట్టిన వారు ఎవరు అన్న విషయం మాత్రం చాలా మందికి తెలియదు. ఆ నటుడు ఎవరో కాదు తెలుగు చిత్ర పరిశ్రమలు దిగ్గజ నటుడిగా పేరు సంపాదించుకున్న జగ్గయ్య అని చెప్పాలి.
వందల సినిమాల్లో నటించి నటుడిగా తనకంటూ ప్రత్యేకమైన గుర్తింపు సంపాదించుకుని తెలుగు ప్రేక్షకుల గుండెల్లో చెరగని ముద్ర వేసుకున్నారు జగ్గయ్య. అయితే ఈయన రాజకీయాల్లోకి ప్రవేశించిన తర్వాత 1967లో ఒంగోలు నియోజక వర్గంలో కాంగ్రెస్ పార్టీ తరపున పోటీ చేశారు. ఇక ఆ ఎన్నికల్లో విజయం సాధించి లోక్సభలో అడుగుపెట్టారు ఆయన. ఇలా లోక్ సభ లో అడుగుపెట్టిన తొలి భారతీయ సినీ నటుడిగా జగ్గయ్య రికార్డు సృష్టించారు. ముఖానికి రంగులు వేసుకునేవారు రాజకీయాలకు పనికిరారు అన్న వారి చేతే శభాష్ అనిపించుకున్నాడు. 1956 లో భారత తొలి ప్రధాని జవహర్లాల్ నెహ్రూ పిలుపు మేరకు కాంగ్రెస్ కండువా కప్పుకున్నారు ఆయన.
