వాస్తవానికి ఈ సినిమాను ఈనెల 29న విడుదల చేసే విషయంలో నిఖిల్ కు ఆమూవీ నిర్మాతతో భేధాభిప్రాయాలు వచ్చినప్పటికీ చివరకు ఇద్దరి మధ్య రాజీ కుదరడంతో విషయం సుఖాంతం అయింది. ప్రస్తుతం ఈసినిమాను అనుకున్న సమయానికి విడుదల చేయడానికి పరుగులు తీస్తున్నారు. ఈ వీకెండ్ నుండి ఈమూవీ ప్రమోషన్ ప్రారంభం కాబోతోంది.
అయితే ఈ సినిమాకు చెప్పుకోతగ్గ స్థాయిలో అంచనాలు లేకపోయినప్పటికీ ‘ఆదిపురుష్’ ఫెయిల్ అవ్వడం ఈవారం విడుదల అవుతున్న సినిమాలు అన్నీ మరీ చిన్న సినిమాలు కావడంతో ఏమాత్రం పాజిటివ్ టాక్ వచ్చినా ‘స్పై’ కలక్షన్స్ కు లోటు ఉండదు అన్న అంచనాలు ఉన్నాయి. ఈమధ్య కాలంలో అంచనాలు లేకుండా విడుదలైన మీడియం రేంజ్ సినిమాలు చాలామటుకు సక్సస్ అయ్యాయి.
ఇప్పుడు అలాంటి అదృష్టం ‘స్పై’ కి పడుతుంది అంటున్నారు. సుభాష్ చంద్రబోస్ మరణంకు సంబంధించిన ఒక సీక్రెట్ చుట్టూ తిరిగే ఒక ఊహాజనీతమైన కథతో ‘స్పై’ వస్తోంది. సగటు ప్రేక్షకుడుకు తెలియని ఒక వెరైటీ కథను ఎంచుకుని ఆమూవీ స్క్రీన్ ప్లే సస్పెన్స్ విషయంలో జాగ్రత్తలు తీసుకుని మేకింగ్ బాగుంటే అలాంటి సినిమాలకు నెటితరం ప్రేక్షకులు కోట్లు కురిపిస్తున్నారు. ఇప్పుడు అలాంటి అదృష్టం ‘స్పై’ కి ఎంతవరకు పడుతుంది అన్న అంచనాలు ఉన్నాయి. ‘కార్తికేయ 2’ తో మంచి జోష్ లో ఉన్న నిఖిల్ కు ఈమూవీ కూడ హిట్ కొడితే ఇక అతడి కెరియర్ కు తిరుగు ఉండదు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి