కోలీవుడ్ ఇండస్ట్రీ లో సూపర్ క్రేజ్ కలిగిన హీరోలలో శివ కార్తికేయన్ ఒకరు. ఈయన వరుసగా మంచి విజయాలను అందుకుంటూ ఇండియా వ్యాప్తంగా మంచి క్రేజ్ ను సంపాదించుకుంటున్నారు. ఇప్పటికే ఈ నటుడు తాను నటించిన చాలా సినిమాలను తెలుగు లో విడుదల చేయగా అందులో కొన్ని మూవీ లు మంచి విజయాలను అందుకోవడంతో ఈ నటుడి కి టాలీవుడ్ ఇండస్ట్రీ లో కూడా సూపర్ క్రేజ్ ఉంది. ఇది ఇలా ఉంటే కొంత కాలం క్రితం ఈయన అయలాన్ అనే సినిమా లో హీరో గా నటించాడు.

ఈ మూవీ లో రకుల్ ప్రీత్ సింగ్ హీరోయిన్ గా నటించింది. ఈ సినిమా మొదటగా తమిళ్ లో ఈ సంవత్సరం జనవరి 12 వ తేదీన విడుదల కాగా ... ఆ తర్వాత కొన్ని రోజులకు ఈ మూవీ తెలుగు వర్షన్ థియేటర్ లలో విడుదల అయ్యింది. తమిళ ప్రేక్షకులను బాగా ఆకట్టుకున్న ఈ సినిమా తెలుగు ప్రేక్షకులను మాత్రం భారీ స్థాయిలో ఆకట్టుకోలేదు. దానితో ఈ మూవీ తెలుగు వర్షన్ కు పర్వాలేదు అనే స్థాయిలో మాత్రమే కలెక్షన్ లు వచ్చాయి. ఇక చాలా రోజుల క్రితమే ఈ సినిమా తెలుగు వర్షన్ తప్ప మిగతా భాషలకు సంబంధించిన "ఓ టి టి" వర్షన్ అందుబాటు లోకి వచ్చింది.

ఇక మరి కొన్ని రోజుల్లోనే ఈ మూవీ యొక్క తెలుగు వర్షన్ కూడా "ఓ టి టి" ఫ్లాట్ ఫామ్ లోకి ఎంట్రీ ఇవ్వబోతున్నట్లు తెలుస్తోంది. ప్రస్తుతం అందుతున్న సమాచారం ప్రకారం ఈ మూవీ ని ఈ నెల 19క్వ తేదీ నుండి తెలుగు భాషలో "ఓ టి టి" లో స్ట్రీమింగ్ చేయబోతున్నట్లు తెలుస్తోంది. అందుకు సంబంధించిన అధికారిక ప్రకటన కూడా మరికొన్ని రోజుల్లోనే విడుదల అయ్యే ఛాన్స్ ఉన్నట్లు తెలుస్తోంది.

మరింత సమాచారం తెలుసుకోండి:

Sk

Pulgam Srinivas

03/04/2024 03:30 PM