ఫస్ట్ టైం అన్న కోసం అలాంటి పని చేస్తున్న పవన్ కళ్యాణ్..మెగా ఫ్యామిలీ ఎమోషనల్ కనెక్షన్ మరలా ప్రూవ్..!
ఇప్పటికే చిరంజీవి సినీ కెరీర్‌లో పవన్ కళ్యాణ్ అనేక సార్లు మోరల్ సపోర్ట్ ఇచ్చారు. కానీ ఈసారి మాత్రం కొంచెం ప్రత్యేకం. మొదటిసారిగా పవన్ కళ్యాణ్ తన స్వరంతో తన అన్న సినిమా కోసం వాయిస్ ఓవర్ ఇవ్వబోతున్నారట. ఇది సినిమా ఇండస్ట్రీలో ప్రస్తుతం పెద్ద సెన్సేషన్‌గా మారింది. ప్రస్తుతం మెగాస్టార్ చిరంజీవి అనిల్ రావిపూడి దర్శకత్వంలో తెరకెక్కుతున్న ఓ భారీ చిత్రంలో నటిస్తున్నారు. ఆ తర్వాత దర్శకుడు బాబీ కొల్లి దర్శకత్వంలో మరో మాస్ యాక్షన్ ఎంటర్టైనర్ కోసం సన్నాహాలు చేస్తున్నారు. ఈ కొత్త సినిమా మెగా అభిమానుల్లో భారీ అంచనాలను రేపుతోంది.
వాల్తేరు వీరయ్య చిత్రంతో బాబీ – చిరంజీవి కాంబినేషన్ ఇప్పటికే బ్లాక్‌బస్టర్ హిట్ అందుకున్న విషయం తెలిసిందే. ఆ హిట్ తరవాత మళ్లీ ఈ కాంబినేషన్ రావడం అంటేనే అభిమానుల్లో ఊహించలేని స్థాయి ఎగ్జైట్మెంట్ కనిపిస్తోంది. ఈ క్రమంలోనే పవన్ కళ్యాణ్ వాయిస్ ఓవర్ వార్త బయటకు రావడం మరింత బజ్‌ను పెంచేసింది. ఇండస్ట్రీలో జరుగుతున్న చర్చల ప్రకారం, పవన్ కళ్యాణ్ తన అన్న చిరంజీవి ఇంట్రడక్షన్ సీన్‌కి వాయిస్ ఓవర్ ఇవ్వబోతున్నారని టాక్. ఇది కేవలం ఓ వాయిస్ మాత్రమే అయినప్పటికీ, అభిమానులకు ఇది చాలా స్పెషల్. ఎందుకంటే స్క్రీన్ మీద చిరంజీవి కనిపిస్తేనే ఫ్యాన్స్ ఫిదా అవుతారు, ఇప్పుడు ఆయన ఇంట్రోను పవన్ స్వరం పరిచయం చేస్తే ఆ థియేటర్లలో ఎలాంటి హంగామా జరుగుతుందో ఊహించండి!
ఇక పవన్ కళ్యాణ్ ప్రస్తుతం సినిమాలతో పాటు రాజకీయ రంగంలో కూడా బిజీగా ఉన్నారు. జనసేన పార్టీ కార్యకలాపాలు, ప్రణాళికలు, సినిమాల షూటింగ్స్ — ఇలా రోజుకు 24 గంటలు సరిపోని షెడ్యూల్‌తో ఉన్నప్పటికీ, అన్న సినిమా కోసం కొంత సమయం కేటాయించారని సమాచారం. ఇదే మెగా బ్లడ్ అని అభిమానులు పొగడ్తల వర్షం కురిపిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి