ఇదే క్రమంలో ఈ చిత్రానికి సంబంధించిన ఒక హైలైట్ విషయం బయటకి వచ్చింది . ఒక్క సెట్ కోసమే సుమారు 12 కోట్ల రూపాయలకుపైగా ఖర్చు అవుతున్నట్లు సమాచారం. హైదరాబాద్‌లోని ప్రముఖ స్టూడియోలో ఓ రాజమహల్ తరహా ప్యాలెస్ సెట్ను ప్రత్యేకంగా నిర్మిస్తున్నారట. దాదాపు నెలల తరబడి ఆ సెట్ డిజైన్ వర్క్, ఆర్ట్ డైరెక్షన్ పనులు కొనసాగాయని తెలిసింది. అంత భారీ ఖర్చు ఒకే సెట్ మీద పెట్టడం చూసి సినీ వర్గాలు షాక్ అవుతున్నాయి. “నాని ఇప్పటివరకు ఇంత లావిష్‌గా, ఇంత గ్రాండ్‌గా సినిమా చేయడం ఇదే మొదటిసారి” అని చాలామంది అంటున్నారు. కొందరు అయితే సరదాగా — “ఈ సెట్ బడ్జెట్‌తో ఒక మంచి మిడిల్ రేంజ్ సినిమా తీయొచ్చు” అంటూ కామెంట్ చేస్తున్నారు.
అయినా మేకర్స్ మాత్రం సినిమా విజువల్ ఎక్స్‌పీరియెన్స్‌ కోసం ఏమాత్రం రాజీ పడడం లేదట. “ది ప్యారడైజ్”ను పాన్ ఇండియా మాత్రమే కాకుండా పాన్ వరల్డ్ లెవెల్లో ఉందబోతుంది అంటున్నారు అభిమానులు. ఈసినిమాకు అనిరుద్ రవిచందర్ సంగీతం అందిస్తున్నారు. ఇప్పటికే ఆయన కంపోజ్ చేసిన కొన్ని బ్యాక్‌గ్రౌండ్ థీమ్‌లు యూనిట్‌లో విన్నవారికి గూస్‌బంప్స్ తెప్పించాయని సమాచారం. నాని సినిమాకు అనిరుద్ మ్యూజిక్ అంటేనే అంచనాలు రెట్టింపు అయ్యాయి.ఈ చిత్రాన్ని ప్రతిష్టాత్మక నిర్మాణ సంస్థ ఎస్‌ఎల్‌వి సినిమాస్ భారీ బడ్జెట్‌తో నిర్మిస్తోంది. ప్రొడక్షన్ వాల్యూస్, టెక్నికల్ టీమ్, ఆర్ట్ వర్క్ — అన్నీ టాప్ నోచ్‌గా ఉన్నాయని యూనిట్ సభ్యులు చెబుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి