ఎన్నో దేశాల విషయం లో ఇలా అవసరాల కోసం స్నేహాన్ని ఏర్పరచుకుని ఆ తర్వాత అవసరం తీరాక దూరం పెట్టిన సందర్భాలు ఉన్నాయి. ఇక ఎప్పుడూ పాకిస్థాన్ ప్రధాన మంత్రి ఇమ్రాన్ ఖాన్ తమ దేశాన్ని అమెరికా వాడుకొని వదిలేసింది అంటూ షాకింగ్ కామెంట్స్ చేశాడు. కరోనా వైరస్ కష్టకాలంలో అన్ని దేశాలు ఆర్థిక సంక్షోభంలో కూరుకుపోయాయ్. ఇక పాకిస్తాన్ పరిస్థితి మరింత దారుణంగా మారిపోయింది అని చెప్పాలి. ఒకవైపు ఆహార సంక్షోభం మరోవైపు ఆర్థిక సంక్షోభం చుట్టుముట్టింది. కనీసం అక్కడ ఉద్యోగులకు జీతాలు చెల్లించలేని దుస్థితి పాకిస్తాన్లో ఏర్పడింది.
ఇలాంటి సమయం లో అమెరికా పాకిస్థాన్కు ఎలాంటి సహాయం చేయలేదు అని చెప్పాలి.. ఇదే విషయం పై పాకిస్తాన్ ప్రధానమంత్రి ఇమ్రాన్ ఖాన్ స్పందించాడు. అమెరికా వాడుకుని వదిలేసే రకం అంటూ షాకింగ్ కామెంట్స్ చేశాడు. వ్యూహాత్మక లక్ష్యాలు సాధించుకునేందుకు పాకిస్తాన్ ను ఉపయోగించుకున్న అమెరికా ఇక ఇప్పుడు అవసరాలు తీరిన తర్వాత పక్కన పెట్టేసింది అని అంతేకాకుండా ఆంక్షలు విధిస్తూ మరింత ఇబ్బందులకు గురిచేస్తోందని ఆయన ఆగ్రహం వ్యక్తం చేశారు. ప్రస్తుత సంక్షోభం సమయం లో చైనా తమకు అండగా నిలిచి ఆదుకుంటుంది అంటూ ఇమ్రాన్ఖాన్ చెప్పుకొచ్చాడు.
