ఈ నిర్ణయం ప్రజారోగ్యాన్ని దెబ్బతీసేలా ఉందని, సెకండ్ వేవ్ సృష్టించిన డెల్టా వేరియంట్ కంటే ఐదు రేట్లు వేగంగా వ్యాప్తి చెందే ఒమిక్రాన్ వేవ్లో భారీ షేడ్యూల్ను పెట్టడం సమంజసమా అని రాజకీయ విశ్లేషకులు ప్రశ్నిస్తున్నారు. దీంతో పాటు గతంలో రెండు, మూడు దశల ఎన్నికల నిర్వహణ సమయంతో పోలిస్తే ఇప్పుడు వసతులు, సాంకేతికత ఎక్కువగా అందుబాటులో ఉంది. అయితే, యూపీలో ఏడు దశల్లో ఎన్నికలు నిర్వహణ నేపథ్యంలో ఎన్నికల ప్రచారం ఎక్కువ రోజుల నిర్వహించాల్సి వస్తుంది. ఒక దగ్గర షెడ్యూల్ విడుదల అయిన తరువాత ఇంకోచోట ప్రచారం నిర్వహించాల్సి ఉంటుంది. దీని వల్ల పెద్ద పార్టీలకు మంచి అవకాశంగా మారుతుంది.
నిధులు ఎక్కువగా ఉన్న పార్టీలకు దశల వారీ ఎన్నికల వల్ల ఎక్కువ ప్రయోజనం చేకూరుతుందనేది వాస్తవం. అయితే, ఎన్నికల బాండ్లలో అత్యధికంగా అధికార బీజేపీకి నిధులు వెళ్తున్నాయి. దీంతో యూపీలో ఏడు దశల ఎన్నికలు సానూకూలంగా మారే అవకాశం ఉందనే వాదన వినిపిస్తోంది. దీంతో పాటు బీజేపీని దృష్టిలో ఉంచుకుని ఏడు దశల్లో ఎన్నికల నిర్వహిస్తున్నారా అన్న విమర్శలు వినిపిస్తున్నాయి. అలాగే, ఒకే సారి ఎన్నికలు జరిపితే రాష్ట్రంలో ఉన్న ప్రాంతీయ పార్టీ ఒకే సారి ప్రచారం నిర్వహిస్తుంది.