ఇప్పటివరకు వైసీపీకి చెందిన 50 మంది కీలకనేతలపైన పోలీస్ కేసులు నమోదయ్యాయి. అలాగే తీవ్రమైన ఆరోపణలు ఎదుర్కొంటున్న కొందరు నేతలు ఆచూకీ లేకుండా అదృశ్యం అయిపోయారు. ఏపీలో కూటమి ప్రభుత్వం అధికారంలోకి రాగానే దూకుడుగా అడుగులు వేస్తోందని చెప్పవచ్చును. అప్పట్లో విమర్శలు, ఆరోపణలు, వివాదాలు వివాదాలకు కారణమైన వైసీపీ నేతలపై విచారణకు ఆదేశించింది. ఇక గత సర్కారులో మంత్రిగా పనిచేసి జగన్ కు అత్యంత సన్నిహితుడుగా పేరు తెచ్చుకున్న పెద్దిరెడ్డి రామచంద్రారెడ్డి చుట్టూ మదనపల్లె ఫైల్స్ దగ్ధం కేసు చుట్టుముట్టుకుంది.
నిషేధిత భూముల జాబితాకు సంబంధించిన వ్యవహారంలో ఫైల్స్ దగ్ధం అయ్యాయని పెద్దిరెడ్డి వెనుక ఉండి కథ నడిపించారంటూ ఆయన అనుచరులపైన ఇప్పటికే పోలీస్ కేసులు నమోదయ్యాయి. దీనికి సంబంధించి పలువురు నేతల్లో ఇప్పటికే పోలీసులు పలువురిని అదుపులోకి తీసుకొని విచారణ చేస్తున్నారు. ఇక వైసీపీ సీనియర్ నేత పిన్నెల్లి రామకృష్ణారెడ్డిపై ఈవీఎం ధ్వంసం హత్యాయత్నం కేసులు నమోదు అయ్యాయి. ప్రస్తుతం ఆయన రిమాండ్ ఖైదీగా నెల్లూరు సెంట్రల్ జైల్లో ఉన్నారు. ఇక మాజీ మంత్రి కోడాలి నానిపై కూడా కేసు నమోదయ్యాయి. లిక్కర్ గోదామ్ లీజ్ వ్యవహారంలో బెదిరించారంటూ మాజీ మంత్రి కొడాలి నానిపై కేసు నమోదు అయింది. దీంతో నాని కోర్టును ఆశ్రయించారు.
ఇక మాజీ ఎమ్మెల్యే వల్లభనేని వంశీ చుట్టూ కేసుల ఉచ్చు బిగుస్తోంది. గన్నవరం టీడీపీ కార్యాలయంపై దాడి కేసులో వంశీని A-71గా చేర్చారు. అయితే ప్రస్తుతం వంశీ కనిపించడం లేదు. ఆయన ఆచూకీ కోసం పోలీసులు తీవ్రంగా గాలిస్తున్నారు. ఇక మాజీ మంత్రి కాకాని గోవర్ధన రెడ్డిపై కూడా కేసులు నమోదయ్యాయి. విశాఖ మాజీ ఎంపీ వైసీపీ నేత సత్యనారాయణపై కూడా వచ్చిన కిడ్నాప్ వివాదం కేసు మళ్లీ మొదటికి వచ్చింది. గతంలో ఎంవివి కుటుంబాన్ని కిడ్నాప్ చేసి డబ్బులను డిమాండ్ చేశారని హత్యాయత్నానికి పాల్పడ్డారంటూ ఆరోపణలు వచ్చాయి. అప్పటి హత్యయత్నం కిడ్నాప్ కేసులో నిందితుడిగా ఉన్న హేమంత్ ను విచారించి ప్రస్తుతం కేసును రీఓపెన్ చేసే దిశగా పోలీసులు అడుగులు వేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి