ఈ పర్యటనలో ముఖ్య ఆకర్షణ బాబు-మోడీ భేటీ. ప్రధాని నరేంద్ర మోడీతో ప్రత్యేకంగా చర్చలు జరపనున్నారని సమాచారం. మోడీని ఏపీ పర్యటనకు అధికారికంగా ఆహ్వానించడమే కాకుండా, రాష్ట్రంలో జరుగుతున్న తాజా రాజకీయ పరిణామాలు, అభివృద్ధి కార్యక్రమాలు, జాతీయ రాజకీయాలపై కూడా చర్చించే అవకాశముందని అంటున్నారు. ఇటీవల ఉప రాష్ట్రపతి ప్రమాణ స్వీకారం కోసం ఢిల్లీకి వెళ్లిన బాబు, మోడీని కలవకపోవడం గమనార్హం. అయితే ఇప్పుడు మాత్రం ప్రత్యేకంగా భేటీ కావడం వెనుక పెద్ద రాజకీయ మైండ్ గేమ్ ఉందని రాజకీయ వర్గాలు చెబుతున్నాయి. నారా లోకేష్ కూడా ఢిల్లీలో కేంద్ర మంత్రులను కలవనున్నారు. రాష్ట్రానికి రావాల్సిన నిధులు, అభివృద్ధి ప్రాజెక్టులు, విద్యుత్, నీటి వనరుల వంటి కీలక అంశాలపై చర్చలు జరపనున్నారు. ఒకవైపు బాబు ప్రధాని, ఆర్థిక మంత్రిని కలవగా, మరోవైపు లోకేష్ కూడా కేంద్ర మంత్రులతో వరుస మీటింగులు జరపడం ద్వారా తండ్రీ కొడుకులు డబుల్ యాక్షన్‌లో కనిపించబోతున్నారు.
ఈ ఢిల్లీ టూర్ పూర్తి అయిన వెంటనే చంద్రబాబు నేరుగా విజయనగరం జిల్లా పర్యటనకు బయల్దేరనున్నారు. లోకేష్ మాత్రం తిరిగి అమరావతికి వెళ్తారు. మొత్తంగా, ఈసారి తండ్రీకొడుకులు కలిసి చేసిన ఢిల్లీ పర్యటన రాజకీయంగా హాట్ టాపిక్ అవుతోంది. కేంద్ర రాజకీయాల్లోనూ, రాష్ట్ర రాజకీయాల్లోనూ ఈ పర్యటన ప్రభావం చూపనుందనే మాట వినిపిస్తోంది. చంద్రబాబు-లోకేష్ కలసి చేసే ఈ ఢిల్లీ పర్యటన కేవలం సాధారణ టూర్ కాదు. ఇందులో కేంద్ర నేతలతో భేటీలు, ఆహ్వానాలు, భవిష్యత్ వ్యూహాలు అన్నీ ఉండటంతో, ఈ టూర్ తర్వాత ఏపీ రాజకీయాల్లో కొత్త మార్పులు రావచ్చని భావిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి