ఈ క్రమంలోనే ఇక ఇదే విషయంపై ఇటీవలే పాకిస్థాన్ మాజీ పేసర్ మహ్మద్ సమీ మాట్లాడుతూ ఆసక్తికర వ్యాఖ్యలు చేశారు. క్రికెట్ చరిత్రలో వేగవంతమైన బంతి ఎవరు విసిరారు అన్న విషయంపై షాకింగ్ కామెంట్స్ చేశాడు. ఫాస్టెస్ట్ డెలివరీ రికార్డు అందరూ అనుకుంటున్నట్లుగా షోయబ్ అక్తర్ ది కాదు తాను రెండు సందర్భాల్లో అంతకు మించిన వేగంతో బంతులు విసిరాను అంటూ మొహమ్మద్ సమి చెప్పుకొచ్చాడు. అప్పట్లో మిషన్లు పని చేయక ఆ రికార్డు తనకు దక్కలేదు అంటూ షాకింగ్ కామెంట్స్ చేశాడు.
పాకిస్తాన్ లోని ఒక టీవీ చానల్కు ఇచ్చిన ఇంటర్వ్యూలో మాట్లాడిన ఈ మాజీ క్రికెటర్ ఈ వ్యాఖ్యలు చేయడం గమనార్హం. అంతర్జాతీయ మ్యాచ్లో తాను రెండు బంతులు 160 కిలోమీటర్ల వేగానికి పైగా వేశానని.. అందులో ఒకటి 162 కిలోమీటర్లు మరొకటి 164 కిలోమీటర్ల వేగంతో దూసుకు వెళ్లాయ్ అంటూ చెప్పుకొచ్చాడు. అప్పుడు స్పీడ్ గన్ మిషన్లు పని చేయకపోవడంతో తాను సాధించిన ఘనత ప్రపంచానికి తెలియకుండా కనుమరుగయ్యింది అని తెలిపాడు. ఇక ఇటీవల ఈ మాజీ క్రికెటర్ చేసిన వ్యాఖ్యలు కాస్త సోషల్ మీడియాలో హాట్ టాపిక్ గా మారిపోయాయ్. పాకిస్తాన్ తరఫున 36 టెస్టులు 87 వన్డేలు 13 టీ20 లు ఆడాడు మహమ్మద్ సమి.
