ఇకపోతే ఇదే విషయంపై స్పందిస్తున్న ఎంతోమంది మాజీ ఆటగాళ్లు ఆసియా కప్ లో ఏ జట్టు ఎలా ఉండబోతుంది.. ఎలాంటి ప్రదర్శన చేయబోతుంది.. ఇక విజేతగా నిలిచిన జట్టు ఏది అన్న విషయాలపై స్పందిస్తూ తమ అభిప్రాయాలను వ్యక్తం చేస్తూ ఉన్నారు. ఈ క్రమంలోనే మాజీ ఆటగాళ్లు చేస్తున్న వ్యాఖ్యలు ఇటీవలి కాలం లో హాట్ టాపిక్ గా మారిపోయాయ్ అని చెప్పాలి. కాగా ఆసియా కప్ విజేత ఎవరు అనే విషయం పై ఇటీవలే ఆస్ట్రేలియా మాజీ ఆటగాడు షైన్ వాట్సన్ స్పందించాడు. ఈ క్రమంలోనే తన అభిప్రాయాన్ని సోషల్ మీడియా వేదికగా తెలిపాడు.
ఆసియా కప్ 2022 లో భారత జట్టు టైటిల్ విజేతగా నిలుస్తుంది అంటూ ఆసీస్ మాజీ ఆల్రౌండర్ షేన్ వాట్సన్ జోస్యం చెప్పాడు. టీమిండియా అద్భుతమైన ఫామ్ లో ఉంది అంటూ పేర్కొన్నాడు. అక్కడి పరిస్థితులకు అనుగుణంగా ఆడే సత్తా భారత్కు ఉంది అంటూ తెలిపాడు. అయితే గతంలో ఇదే విషయంపై స్పందించిన ఆస్ట్రేలియా స్టార్ ఓపెనర్ డేవిడ్ వార్నర్..భారత్ పాకిస్తాన్ మధ్య జరగబోయే మ్యాచ్ లో గెలిచిన జట్టు ఏదైతే ఉంటుందో ఇక అదే జట్టు ఆసియా కప్ విజేతగా కూడా నిలుస్తుంది అంటూ తెలిపాడు. కాగా టీమిండియా మునుపెన్నడూ లేనంత పటిష్టంగా కనిపిస్తుండడంతో ఈసారి కప్పు కొట్టడం ఖాయమని అభిమానులు గట్టిగా నమ్ముతున్నారు.
