అయితే ఇక క్రికెట్కు రిటైర్మెంట్ ప్రకటించినప్పటికీ ఇప్పటికీ కూడా అభిమానులకు మాత్రం సోషల్ మీడియా వేదికగా దగ్గరగానే ఉంటాడు అని చెప్పాలి. ఇక ఎప్పుడు క్రికెట్కు సంబంధించి ఏదో ఒక పోస్ట్ పెట్టి తనదైన శైలిలో ఫన్నీ కామెంట్లు జోడిస్తూ ఉంటాడు వీరేంద్ర సెహ్వాగ్. తన కెరియర్ లో జరిగిన ఎన్నో విషయాలను కూడా అభిమానులతో పంచుకోవడం లాంటివి చేస్తూ ఉంటాడు అని చెప్పాలి. ఇకపోతే ఇటీవల ఓ ఇంటర్వ్యూలో ఒక ఆసక్తికర విషయాన్ని అభిమానులతో పంచుకున్నాడు వీరేంద్ర సెహ్వాగ్.
ఒకప్పుడు అనిల్ కుంబ్లే తో విభేదాల నేపథ్యంలో ఇక భారత జట్టుకు హెడ్ కోచ్గా ఉండాలని అప్పుడు భారత జట్టుకు కెప్టెన్ గా ఉన్న విరాట్ కోహ్లీతో పాటు ఇక బిసిసిఐ కార్యదర్శిగా ఉన్న అమితాబ్ సైతం తనను కోరారు అన్న విషయాన్ని ఇటీవల వీరేంద్ర సెహ్వాగ్ వెల్లడించారు. ఇటీవల ఇంటర్వ్యూలో మాట్లాడుతూ.. అనిల్ కుంబ్లే పదవీకాలం ముగిసిన తర్వాత వెస్టిండీస్ లో పర్యటించాలని వారు చెప్పారు. అయితే నాకు స్పెషల్ ట్రైనర్ తో పాటు బ్యాటింగ్, బౌలింగ్, ఫీల్డింగ్ కోచ్ కూడా అవసరం ఉంటుందని నేను చెప్పాను. వారిని స్వయంగా నేనే ఎంచుకుంటానని చెప్పాను. కానీ ఆ తర్వాత ఏం జరిగిందో నాకు భారత హెడ్ కోచ్గా అవకాశం రాలేదు అంటూ వీరేంద్ర సెహ్వాగ్ చెప్పుకొచ్చాడు.
