ప్రతి మ్యాచ్లో కూడా చివరి ఓవర్లలో బ్యాటింగ్ చేయడం చూస్తున్న మహేంద్రసింగ్ ధోని విధ్వంసమే సృష్టిస్తున్నాడు. బౌలర్ల వెన్నులో వణుకు పుట్టిస్తున్నాడు. రావడం రావడమే సిక్సర్లు ఫోర్లతో చెలరేగిపోతూ స్కోర్ బోర్డుకే ఆయాసం తెప్పిస్తూ ఉన్నాడు. అతి తక్కువ బంతుల్లోనె భారీ స్కూల్ చేస్తూ జట్టు విజయాలలో కీలకపాత్ర వహిస్తున్నాడు. అయితే ఇలా బ్యాటింగ్లో ఫుల్ ఫామ్ లో కనిపిస్తున్న ధోని చివరి ఓవర్లలో కాకుండా కాస్త ముందు వస్తే బాగుంటుంది అని అభిమానులు అనుకుంటున్నారు. ఎక్కువసేపు ధోని బ్యాటింగ్ను చూసే అవకాశం ఉంటుంది అని ఆశపడుతున్నారు.
అయితే మహేంద్ర సింగ్ ధోని ఎందుకు ఇలా చివరి ఓవర్లలోనే బ్యాటింగ్ చేయడానికి వస్తున్నారు అనే విషయంపై ఆ జట్టు కోచ్ స్టీఫెన్ ఫ్లెమింగ్ ఆసక్తికర వ్యాఖ్యలు చేశారు. గత ఏడాది ధోని మోకాలికి సర్జరీ చేయించుకున్నారు. దానికి సంబంధించిన నొప్పి నుండి ఇంకా కోలుకోలేదు. కానీ తాను ఆడకపోతే అభిమానులు అసంతృప్తి చెందుతారని భావించి తనను చూసేందుకు స్టేడియంకి వచ్చే ఫ్యాన్స్ నిరాశ పరచకూడదని చివరి ఓవర్లలోనైనా బ్యాటింగ్ చేయడానికి వస్తున్నాడు ధోని. ప్రేక్షకుల నుంచి ధోనికి లభించే ప్రేమ ఆదరణ అద్భుతం అంటూ స్టీఫెన్ ఫ్లెమింగ్ వ్యాఖ్యానించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి