ఉదయభాను ఎలాంటి విషయానైనా సరే ముక్కు సూటిగానే మాట్లాడుతూ ఉంటుంది. గతంలో ఎన్నో చిత్రాలలో నటించిన ఉదయభాను లీడర్ ,జులాయి వంటి చిత్రాలలో స్పెషల్ సాంగ్ లలో కూడా కనిపించింది. ఇప్పుడు మైథలాజికల్ చిత్రం బార్బిరిక్ అనే చిత్రంలో కీలకమైన పాత్రలో నటిస్తోంది. ఈ సినిమా ప్రమోషన్స్ లో భాగంగా ఉదయభాను మళ్ళీ యాంకర్ల సమస్య పైన మరొక సారి మాట్లాడింది. టాలీవుడ్ లో యాంకర్లు సిండికేట్ ఉందనే మాటని తాను కట్టుబడి ఉన్నానంటూ తెలిపింది.
తోటి యాంకర్లను తొక్కేస్తున్నారనే విషయం కూడా నిజమేనని తాను ఎప్పుడూ కూడా నిజాలే మాట్లాడతానని తెలిపింది. కేవలం తాను మాత్రమే కాదు ఏ యాంకర్ కదిలించిన కూడా ఇలాంటి నిజాలు చెబుతారని.. తాను బయటికి చెప్పాను వారు చెప్పలేరు అంతే తేడా అంటూ తెలిపింది.. యాంకర్ గా,యాక్టర్ గా తాను గ్యాప్ తీసుకోలేదు వచ్చింది అంతే అంటూ తెలిపింది. గతంలో స్పెషల్ సాంగ్ లో నటించమంటూ కుప్పలు తెప్పలుగా ఆఫర్లు వచ్చాయి కానీ తాను ఎక్స్పెక్ట్ చేసిన లిరిక్స్ రాకపోవడంతో వదిలేసానని తెలిపింది. కానీ అల్లు అర్జున్ అంటే తన కుటుంబానికి చాలా ఇష్టం ఉండడంతో జులాయి సినిమాలో రెండు స్టెప్పులు వేశానని తెలిపింది. ఇండస్ట్రీలో ఆ కాంపౌండ్ ఈ కాంపౌండ్ అని ఏమీ లేదు అందరూ ఇష్టమే.. నా కులమే ఆర్టిస్టు కులము.. ఇందులో అది ఇది అని ఏది ఉండదు. కులాల పేరు చెప్పుకొని టాలెంట్ ని దూరం చేయడం చాలా మూర్ఖత్వమని తెలిపింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి