తెలుగు రాష్ట్రాలవ్యాప్తంగా మెగా అభిమానులు బాలకృష్ణపై నిరసనలు తెలపడానికి, ఫిర్యాదులు నమోదు చేసేందుకు కూడా సిద్ధమయ్యారని సమాచారం. సోషల్ మీడియాలోనూ బాలయ్య కామెంట్స్ పై పెద్ద ఎత్తున ట్రోల్ జరిగింది. ఈ వివాదం మరింత పెద్దదిగా మారే అవకాశం ఉన్న సమయంలో, స్వయంగా చిరంజీవి ముందుకు వచ్చి తన అభిమానులకు శాంతి సూచనలు చేశారు. ఈ క్రమంలో చిరంజీవి సోమవారం జూబ్లీహిల్స్‌లోని చిరంజీవి బ్లడ్ బ్యాంక్లో అత్యవసర సమావేశం ఏర్పాటు చేశారు. అందులో మాట్లాడిన ఆయన, "మెగా అభిమానులు అంటేనే శాంతిగా ఉంటారు, క్రమశిక్షణలో ఆదర్శంగా నిలుస్తారు. ఆ పేరును చెడగొట్టుకోకూడదు. ఒకరు ఏదైనా వ్యాఖ్య చేసినంత మాత్రాన మనం ప్రతిస్పందిస్తే అది మన సంస్కారాన్ని ప్రతిబింబించదు. మనం చూపించాల్సింది సహనం, ఓపిక. కాబట్టి ఎటువంటి నిరసనలు, కేసులు, ఆందోళనలు చేయకండి" అని విజ్ఞప్తి చేశారు.
చిరంజీవి మాటలు విన్న వెంటనే మెగా అభిమానులు తమ నిరసనల ప్రణాళికను విరమించుకున్నారని సమాచారం. అయితే, అభిమానుల్లోని కోపం మాత్రం తగ్గలేదని తెలుస్తోంది. "బాలకృష్ణ బహిరంగ క్షమాపణ చెప్పాలి" అనే డిమాండ్‌తో మెగా ఫ్యాన్స్ ఇంకా గట్టిగా నిలుస్తున్నారు. ఈ పరిణామాలతో కొంతవరకు పరిస్థితి సద్దుమణిగినట్టే కనిపిస్తున్నా, వివాదం పూర్తిగా ముగిసిందని చెప్పలేము. ఇక ఇప్పుడు అందరి దృష్టి బాలకృష్ణ వైపే ఉంది. ఆయన దీనిపై ఎలాంటి ప్రతిస్పందన ఇస్తారు? నిజంగా క్షమాపణ చెబుతారా? లేక తన స్టైల్లోనే కొత్త రీతిలో సమాధానం ఇస్తారా? అనే అంశంపై తెలుగు రాష్ట్రాల సినీ, రాజకీయ వర్గాలు ఆసక్తిగా ఎదురుచూస్తున్నాయి..??
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి