యూఎస్ఏ లో విడుదల కాబోతున్న ఇండియన్ చిత్రాలు, ఇతర దేశాల సినిమాల పైన 100% టాక్స్ విధించినట్లుగా తెలియజేశారు ట్రంప్. అయితే అమెరికాలో నిర్మించే సినిమాలకు మాత్రమే మినహాయింపు ఉంటుందని తెలియజేశారు. విదేశీ సినిమాలతో అమెరికా బిజినెస్ దెబ్బతింటోందనే ఉద్దేశంతోనే ఈ టాక్స్లు విధించామంటూ తెలిపారు ట్రంప్. అయితే సుంకాలు ఎప్పటి నుంచి అమలులోకి వస్తాయనే విషయాన్ని మాత్రం అధికారికంగా ఇంకా ప్రకటించలేదు.
మా సినిమా నిర్మాణ వ్యాపారాన్ని ఇతర దేశాలు పిల్లాడు నుంచి మిఠాయిని దొంగలించినట్లుగా దొంగలించాయి అంటూ తెలిపారు. ఇదంతా కూడా కాలిఫోర్నియాకు ఉన్నటువంటి బలహీన, అసమర్ధత గవర్నర్ వల్లే ఏర్పడిందంటూ తెలిపారు ట్రంప్. దీర్ఘకాలంగా ఉన్న ఈ సమస్యను నూరు శాతం సుంకాల విధించడం వల్ల పరిష్కారం లభిస్తుందని అమెరికాను మరొకసారి అగ్రస్థానంలో నిలుపుతానంటూ ట్రంప్ సోషల్ మీడియా వేదికగా తెలియజేశారు. ఒకప్పుడు అమెరికాకు మారుపేరుగా ఉన్నటువంటి హాలీవుడ్ ఇప్పుడు చాలా ఇబ్బందులలోకి పడిపోయిందని.. ఓటీటిలు రావడం వల్ల ప్రేక్షకులను థియేటర్లకు వెళ్లడానికి మక్కువ చూపడం లేదని తెలియజేశారు బాక్సాఫీస్ అమ్మకాలలో కూడా చాలా స్థాయిలో తగ్గుదల కనిపించిందంటు తెలిపారు. మరి ఎప్పటినుంచి వీటిని అమలులోకి తెస్తారో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి