ఇటీవలి కాలంలో భార్యాభర్తల్లో ఇలాంటి అన్యోన్యత ఎక్కడా కనిపించకపోయినా.. అక్కడక్కడా మాత్రమే దాంపత్య బంధానికి విలువ ఇస్తూ ఒకరంటే ఒకరు ప్రాణంగా బ్రతుకుతున్నా భార్యాభర్తలు ఎంతోమంది ఉన్నారు అని చెప్పాలి. ఇప్పుడు మనం మాట్లాడుకునేది కూడా అలాంటి వారి గురించే. వైవాహిక జీవితంలో ఎన్ని ఒడిదుడుకులు ఎదురైనా ఒకరికి ఒకరు తోడు నీడగా నిలబడ్డారు ఆ భార్య భర్తలు. ఇక ఒకరు లేకుండా ఒకరు బ్రతకలేమూ అనేంతగా వారి మధ్య బంధం బలపడింది. ఎక్కడికైనా కలిసే వెళ్లేవారు..
ఇక ఇప్పుడు చావులో కూడా కలిసి వెళ్లి పోయారు. చివరి క్షణాల్లో కూడా ఒకరి తోడు ఒకరు విడిచిపెట్టలేదు. సాలూరు పట్టణంలోని అల్లు వీధికి చెందిన దంపతులు అల్లు చిన్న (72) విజయమ్మ (68)భార్య భర్తలు ఒకే రోజు గంటల వ్యవధిలో మృతి చెందారు.. చిన్న కొన్నాళ్లుగా అనారోగ్యంతో బాధపడుతున్నాడు. ఇక భర్తకు విజయమ్మ అన్నిరకాల సేవలు చేస్తుంది. ఆరోగ్యం విషమించి వేకువజామునే మృతిచెందాడు చిన్న. భర్తే ప్రాణంగా బ్రతికిన విజయమ్మ ఆయన లేడు అన్న విషయాన్ని జీర్ణించుకోలేక పోయింది. అరణ్యరోదనగా విలపిస్తూ అపస్మారక స్థితిలోకి వెళ్లింది. కుటుంబ సభ్యులు ఆస్పత్రికి తరలించగా చికిత్స పొందుతూ మృతి చెందింది. దీంతో కుటుంబంలో విషాదం నిండిపోయింది..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి