దేవిశ్రీ ప్రసాద్ హీరోగా పరిచయం అవుతున్న చిత్రం ‘ఎల్లమ్మ’. ఈ సినిమాకు దర్శకత్వం వహిస్తున్నది ‘బలగం’ వంటి భావోద్వేగభరితమైన సినిమాతో గుర్తింపు పొందిన వేణు. గ్రామీణ నేపథ్యంతో సున్నితమైన భావోద్వేగాలను అద్భుతంగా తెరపై ఆవిష్కరించిన వేణు, ఇప్పుడు దేవిశ్రీ ప్రసాద్ను పూర్తిగా కొత్త కోణంలో చూపించబోతున్నారని సమాచారం. ‘ఎల్లమ్మ’ అనౌన్స్మెంట్ గ్లింప్స్ విడుదలైనప్పటి నుంచే ఈ సినిమా పవర్ఫుల్ సబ్జెక్ట్తో రూపొందుతున్నదనే స్పష్టమైన సంకేతాలు ప్రేక్షకులకు అందాయి. దేవిశ్రీ ప్రసాద్ లుక్, బ్యాక్గ్రౌండ్ స్కోర్ టోన్, విజువల్ ప్రెజెంటేషన్ అన్ని కలిసి ఇది ఒక గంభీరమైన కథగా ఉండబోతుందని సూచించాయి. ఈ సినిమాకు నిర్మాణ బాధ్యతలు చేపట్టిన ప్రముఖ నిర్మాత దిల్ రాజు కూడా ఈ ప్రాజెక్ట్కు మరింత బలాన్నిచ్చారు. ఆయన ప్రొడక్షన్లో రూపొందుతున్న ఈ చిత్రం కంటెంట్ పరంగా బలంగా ఉండటంతో పాటు, నిర్మాణ విలువల పరంగా కూడా ఉన్నత ప్రమాణాలు పాటించబోతుందని టాలీవుడ్ వర్గాలు భావిస్తున్నాయి. దేవిశ్రీ ప్రసాద్ ఇటీవల చేసిన వ్యాఖ్యలు ఈ సినిమా చుట్టూ మరింత చర్చకు దారి తీశాయి.
తన బిజీ షెడ్యూల్ మధ్య నటనకు సమయం కేటాయించడం ఎలా సాధ్యమైందనే ప్రశ్నకు సమాధానంగా దేవి చెప్పిన మాటలు ప్రస్తుతం సోషల్ మీడియాలో వైరల్ అవుతున్నాయి. నిర్మాత దిల్ రాజు ఈ చిత్రానికి సంబంధించి నెలలో కేవలం పది రోజుల కాల్షీట్లు ఇస్తే సరిపోతుందని, మిగతా రోజుల్లో ఆయన తన సంగీత ప్రాజెక్ట్లపై దృష్టి పెట్టవచ్చని సూచించారట. ఈ విధంగా ఫ్లెక్సిబుల్ షెడ్యూల్ ఇవ్వడం దేవిశ్రీ ప్రసాద్ను బాగా ఆకట్టుకుందని ఆయన వెల్లడించారు. ఒకేసారి రెండు బాధ్యతలను సమతుల్యంగా నిర్వహించుకునే అవకాశం ఉండటం వల్లే ఈ ప్రాజెక్ట్కు ఆయన గ్రీన్ సిగ్నల్ ఇచ్చినట్టు తెలిపారు. సాధారణంగా సంగీత దర్శకుడిగా వరుస సినిమాలతో బిజీగా ఉండే దేవి, ఇప్పుడు నటుడిగా కొత్త ఇన్నింగ్స్ ప్రారంభిస్తున్నప్పటికీ తన సంగీత ప్రయాణాన్ని ఆపే ఆలోచనలో లేరు. సంగీతం ఆయనకు జీవనశైలిగా మారిపోయింది. అదే సమయంలో నటన పట్ల ఉన్న ఆసక్తి, కొత్తగా తనను తాను నిరూపించుకోవాలనే తపన ‘ఎల్లమ్మ’ రూపంలో బయటపడుతోంది. ఈ రెండు రంగాల్లోనూ సమానంగా రాణించాలని ఆయన లక్ష్యంగా పెట్టుకున్నట్టు కనిపిస్తోంది. ఇలా తక్కువ కాల్ షీట్స్ ఓ సినిమా కోసం కేటాయించి దేవి సెన్సేషనల్ రికార్డ్ క్రియేట్ చేశాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి