అలా చిరంజీవి తాను నటించబోయే లూసిఫర్ రీమేక్ లో హీరోయిన్ లేకుండానే నటిస్తున్నట్లు తెలుస్తుంది. గతంలో చిరంజీవి మేజర్, బంధాలు అనుబంధాలు, అనే సినిమాలో హీరోయిన్ లేకుండా సింగిల్ గా మెప్పించారు. బాలకృష్ణ కూడా కథానాయిక లేకుండా ఒంటరిగానే నటించి ఎన్నో సినిమాల్లో ప్రేక్షకులను అలరించారు. వేములవాడ భీమకవి అనే చిత్రంలో ఆయన హీరోయిన్ లేకుండానే నటించి హిట్ కొట్టారు. అక్కినేని నాగార్జున కూడా షిరిడి సాయి, గగనం వంటి సినిమాల్లో హీరోయిన్ లేకుండా నటించి ప్రేక్షకులను మెప్పించడమే కాకుండా, సూపర్ హిట్ కూడా కొట్టారు..
విక్టరీ వెంకటేష్ కమల్ హాసన్ నటించిన ఈనాడు అనే సినిమాలో హీరోయిన్ లేకుండానే ప్రేక్షకులను మెప్పించడం విశేషం. రజినీకాంత్ పెదరాయుడు సహా కొన్ని సినిమాల్లో సింగిల్ గా నటించి బాక్సాఫీస్ ని షేక్ చేయగా, మోహన్ బాబు కూడా హీరోగా ప్రమోషన్ పొందిన కొన్ని సినిమాల్లో హీరోయిన్ లేకుండా నటించి శభాష్ అనిపించుకున్నారు. సూపర్ స్టార్ కృష్ణ రాజకీయ చదరంగం అనే సినిమాలో కథానాయిక లేకుండా నటించడం విశేషం. కృష్ణంరాజు హీరో గా చేసినా టూ టౌన్ రౌడీ, గ్యాంగ్ మాస్టర్ వంటి సినిమాల్లో హీరోయిన్ లేదు. శోభన్ బాబు, అక్కినేని నాగేశ్వరావు వంటి ఇతర హీరోలు కూడా హీరోయిన్ లేకుండా కొన్ని సినిమా తీసి హిట్ కొట్టారు..
