కోలీవుడ్ ఇండస్ట్రీలో స్టార్ హీరోలలో ఒకరిగా కొనసాగుతున్న తలపతి విజయ్ తాను నటించిన తమిళ మూవీ లను తెలుగు లో డబ్ చేసి విడుదల చేసి టాలీవుడ్ ఇండస్ట్రీలో కూడా మంచి క్రేజ్ ను సంపాదించుకున్న విషయం మాన అందరికీ తెలిసిందే. అలా తమిళ సినిమాలతో తెలుగు లో మంచి క్రేజ్ ను సంపాదించుకున్న విజయ్ ఈ సంవత్సరం కూడా ఇప్పటికే బీస్ట్ మూవీ తో తెలుగు ప్రేక్షకులను పలకరించాడు. మంచి అంచనాల నడుమ విడుదలైన ఈ సినిమా తెలుగు ప్రేక్షకులను మెప్పించలేకపోయింది.

బీస్ట్ మూవీ తో తెలుగు ప్రేక్షకులను నిరాశ పరిచిన విజయ్ తాజాగా తెలుగు దర్శకుడు అయిన వంశీ పైడిపల్లి దర్శకత్వంలో , తెలుగు నిర్మాత అయిన దిల్ రాజు నిర్మాణంలో తెరకెక్కుతున్న వరిసు '(వారసుడు) సినిమాలో హీరోగా నటిస్తున్న విషయం మనకు తెలిసిందే. ఈ మూవీ తమిళంలో తెరకెక్కి తెలుగులో డబ్ అయ్యి విడుదల కానుంది.  తమిళంలో వరిసు పేరుతో విడుదల కానున్న ఈ సినిమా ,  తెలుగులో వారసుడు పేరుతో  విడుదల కానుంది. ఈ సినిమాలో తళపతి విజయ్ సరసన  రష్మిక మందన కథానాయికగా నటిస్తుండగా , ఈ సినిమాకు తమన్ సంగీతాన్ని అందిస్తున్నాడు. ఇప్పటికే ఈ సినిమా నుండి చిత్ర బృందం విడుదల చేసిన విజయ్ పోస్టర్ లకు ప్రేక్షకుల నుండి మంచి రెస్పాన్స్ లభిస్తోంది.

ఇది ఇలా ఉంటే ప్రస్తుతం ఈ సినిమాకు సంబంధించిన ఒక ఆసక్తికరమైన న్యూస్ తెగ వైరల్ అవుతుంది. అసలు విషయం లోకి వెళ్తే...  ఈ మూవీ లో ఇంట్రవెల్ సన్నివేశం దగ్గర ఒక అదిరిపోయే యాక్షన్ సన్నివేశం ఉంటుందట , ఆ సన్నివేశం కోసం నాలుగు కోట్లు పెట్టి ఒక అద్భుతమైన సెట్ ను చిత్ర బృందం వేసినట్లు తెలుస్తోంది. ఈ సినిమాను 2023 సంక్రాంతి కానుకగా విడుదల చేయనున్నారు.

మరింత సమాచారం తెలుసుకోండి:

thalapathi vijay

Pulgam Srinivas

11/07/2022 09:41 AM