కింగ్ ఖాన్ షారుఖ్ ఖాన్ పఠాన్ మూవీ ఎప్పుడెప్పుడు వస్తుందా అని షారుఖ్ ఫ్యాన్స్ ఎంతగానో వెయిట్ చేస్తున్నారు. ఆయన్ని చాలా గ్రాండ్ గా మళ్ళీ స్వాగతించేందుకు అభిమానులు సిద్ధంగా ఉన్నారు.ఇక ఈ సినిమా కేవలం హిందీలోనే కాకుండా.. తెలుగు ఇంకా తమిళ భాషల్లో కూడా జనవరి 25 వ తేదీన ప్రేక్షకుల ముందుకు వస్తోంది. నాలుగేళ్ల విరామం తర్వాత.. పఠాన్ సినిమాతో షారుఖ్ ఖాన్ మళ్ళీ వస్తున్నాడు. దీంతో ఈ సినిమాపై భారీ అంచనాలే ఉన్నాయి.2022 వ సంవత్సరంలో హిందీ చిత్ర పరిశ్రమకు కలిసి రాలేదని చెప్పొచ్చు. అయితే ఈ సంవత్సరంపై బాలీవుడ్ కన్నేసింది. ఈసారైనా ఎలాగైనా హిట్స్ పడాలని ఆత్రంగా చూస్తోంది. ఇక షారుఖ్ ఖాన్ కూడా పఠాన్ సినిమాపైనే చాలా అంచనాలు పెట్టుకున్నారు. పఠాన్ సినిమాతో 2023 లో మంచి హిట్ దక్కుతుందని ఆయన ఇంకా ఆయన అభిమానులు భావిస్తున్నారు.


ఈ సినిమా మొదటి రోజు వసూళ్ల మీద ట్రేడ్ విశ్లేషకులు చర్చలు చేస్తున్నారు. 45 నుంచి 60 కోట్ల రూపాయల వసూళ్లు చేసే అవకాశం ఉందని అంచనా వేస్తున్నారు. అయితే ఈ సినిమాని బాహుబలి 2మెుదటి రోజు కలెక్షన్స్ తో పోల్చుతున్నారు.ఇక హిందీలో అత్యధిక ఫస్ట్ డే కలెక్షన్లు సాధించిన సినిమాగా బాహుబలి 2 చెరపలేని పేరు తెచ్చుకుంది. ఈ సినిమా హిందీ వెర్షన్ ఫస్ట్ డే 41 కోట్ల రూపాయలను రాబట్టింది. ఇప్పుడు ఆ సినిమా రికార్డును షారుఖ్ ఖాన్ పఠాన్ సినిమా ఈజీగా బద్దలు కొడుతుందని చాలా మంది అనుకుంటున్నారు. ఈ మూవీ మేకర్స్ కూడా అదే నమ్మకంతో ఉన్నారు.41 కోట్లపైనే మెుదటి రోజు కలెక్షన్స్ ఉంటాయని వారు చెబుతున్నారు. ఈ సినిమా ఓపెనింగ్స్ రికార్డు స్థాయిలో ఉంటాయని అంటున్నారు.మరి చూడాలి పఠాన్ బాహుబలి 2 సినిమా రికార్డులను ఏమాత్రం బద్దలు కొడుతుందో.. తన పాత వైభవాన్ని తిరిగి తెచ్చుకుంటుందో లేదో చూడాలి..!

మరింత సమాచారం తెలుసుకోండి:

PATHAN

Purushottham Vinay

21/01/2023 08:02 PM